ຂ່າວສານ

ລັດຖະບານ ໄທ ຮຽກຮ້ອງບັນດາກຳລັງການເມືອງເຊັນຂໍ້ຕົກລົງຊຸກຍູ້ການໄກ່ເກຍ ປອງດອງ

18/01/2017

(ພາບປະກອບ)

ວັນທີ 16/01 ທ່ານ ປຣະວິດ ວົງສູວັນ ຮອງນາຍົກລັດຖະມົນຕີ, ລັດຖະມົນຕີກະຊວງປ້ອງກັນປະເທດ ໄທ ໃຫ້ຮູ້ວ່າ: ທ່ານຈະຮຽກຮ້ອງບັນດາພັກຝ່າຍ ແລະ ກຳລັງດ້ານການເມືອງທັງໝົດ ເຊັນຂໍ້ຕົກລົງສະບັບໜຶ່ງ ເພື່ອແນໃສ່ຊຸກຍູ້ວິວັດການໄກ່ເກຍປອງດອງຊາດ. ກ່ອນໜ້ານັ້ນ ທ່ານນາຍົກລັດຖະມົນຕີ ໄທ ປຣະຣຸດ ຈັນໂອຈາ ໄດ້ບົ່ງຕົວທ່ານ ປຣະວິດ ວົງສູວັນ ເປັນຜູ້ປະສານວິວັດການໄກ່ເກຍປອງດອງຊາດ. ເຖິງຢ່າງໃດກໍ່ຕາມ ທ່ານລັດຖະມົນຕີກະຊວງປ້ອງກັນປະເທດ ໄທ ກໍ່ຢືນຢັນວ່າວິວັດການໄກ່ເກຍປອງດອງຊາດດັ່ງກ່າວ ບໍ່ມີສ່ວນກ່ຽວຂ້ອງເຖິງການອະໄພຍະໂທດແຫ່ງລັດ ຫຼື ອະໄພຍະໂທດພະລາດຊະວັງ.

(ແຫຼ່ງຄັດຈາກ VOV)

ໄຂກອງປະຊຸມສະໄໝສາມັນເທື່ອທີ 10 ສະພາແຫ່ງຊາດ ຫວຽດນາມ ຊຸດທີ 15

20/10/2025
ຂ່າວສານ

ຕອນເຊົ້າວັນທີ 20 ຕຸລາ, ຢູ່ຫໍປະຊຸມ ຢຽນຮົ່ງ, ຮ່າໂນ້ຍ, ສະພາແຫ່ງຊາດ ຫວຽດນາມ ໄດ້ໄຂກອງປະຊຸມສະໄໝສາມັນເທື່ອທີ 10, ເຊິ່ງແມ່ນກອງປະຊຸມຄັ້ງສຸດທ້າຍຂອງສະພາແຫ່ງຊາດ ຫວຽດນາມ ຊຸດທີ 15. ກອງປະຊຸມວຽກງານຫຼາຍທີ່ສຸດຂອງ ອາຍຸການ, ຄາດວ່າ ດຳເນີນເປັນເວລາປະມານ 40 ວັນ. ເຂົ້າຮ່ວມວາລະໄຂກອງປະຊຸມ, ມີທ່ານເລຂາທິການໃຫຍ່ພັກກອມມູນິດ ຫວຽດນາມ ໂຕເລິມ, ທ່ານປະທານປະເທດ ເລືອງເກື່ອງ, ທ່ານນາຍົກລັດຖະມົນຕີ ຟ້າມມິນຈິງ ແລະ ທ່ານປະທານສະພາແຫ່ງຊາດ ເຈິ່ນແທັງເໝີ້ນ.