08/06/2020 09:15 GMT+7 Email Print Like 0

ມອບທຸງຊາດ 2000ໃບໃຫ້ແກ່ຊາວປະມົງຕິດພັນກັບທະເລ

      ວັນທີ 6 ມິຖຸນາ, ຢູ່ທ່າກ່ຳປັນຫາປາ ມີທໍ, ນະຄອນມີທໍ, ແຂວງຕຽນຢາງ, ສະຫະພັນ ແຮງງານແຂວງຕຽນຢາງ ແລະ ສະຫະສະມາຄົມວິສາຫະກິດແຂວງ ໄດ້ສົມທົບກັບໜັງສືພິມ ຜູ້ອອກແຮງງານ ຈັດຕັ້ງພິທີມອບທຸງຊາດ 2000 ໃບ ໃຫ້ແກ່ຊາວປະມົງ.

ພິທີມອບທຸງຊາດ ແລະ ຂອງຂວັນໃຫ້ແກ່ຊາວປະມົງ (ພາບ: TTXVN)
      ນີ້ແມ່ນການເຄື່ອນໄຫວຕົ້ນຕໍ ຂອງລາຍການ “ທຸງຊາດ 1 ລ້ານໃບ ພ້ອມກັບຊາວປະມົງຕິດພັນກັບທະເລ” ໃຫ້ຊາວປະມົງ ທີ່ຂຶ້ນກັບບັນດາອົງການຂຸດຄົ້ນ ສິນທະເລຢູ່ແຂວງ ຕຽນຢາງ ໂດຍສະຫະສະມາຄົມວິສາຫະ ກິດແຂວງ ຕຽນຢາງ ແລະ ໜັງສືພິມຜູ້ອອກແຮງງານປຸກລະດົມຢູ່ແຂວງ ຕຽນຢາງ.
            ລາຍການ “ທຸງຊາດ 1 ລ້ານໃບພ້ອມກັບຊາວປະມົງຕິດພັນກັບທະເລ” ໂດຍໜັງສືພິມຜູ້ອອກແຮງງານປຸກລະດົມ ແລະ ປະຕິບັດແຕ່ວັນທີ 1 ມິຖຸນາ 2019, ມາຮອດປັດຈຸບັດ ໄດ້ມອບທຸງຊາດກ່ວາ 100.000 ໃບຢູ່ແຂວງ, ນະຄອນຫຼາຍແຫ່ງໃນທົ່ວປະເທດຄື: ບາກລຽວ, ກ່າເມົາ, ກຽນຢາງ, ຕຽນຢາງ, ກ໋ວາງຫງາຍ, ບ່າເຣີຍ, ວຸງເຕົາ, ແຄັງຮ່ວາ, ເງະອານ, ບິ່ງດິງ, ບິ່ງທ້ວນ, ນະຄອນໂຮ່ຈີມິນ… ໄດ້ປະກອບສ່ວນຕໍ່ກຳລັງແຮງ, ລະດົມກຳລັງໃຈໃຫ້ແກ່ຊາວປະມົງຢູ່ 28 ແຂວງ, ນະຄອນທີ່ຕິດພັນກັບທະເລ.
(ແຫຼ່ງຄັດຈາກ VOV)