28/03/2020 07:27 GMT+7 Email Print Like 0

ພະນັກງານ, ພາລະກອນຂອງອົງການຕາງໜ້າ ຫວຽດນາມ ປະຈຳຕ່າງປະເທດ ຍັງບໍ່ມີໃຜຕິດໂລກລະບາດ Covid-19

ວັນທີ 26 ມີນາ, ທີ່ກອງປະຊຸມຖະແຫຼງຂ່າວນັດສາມັນຂອງກະຊວງການຕ່າງປະເທດ ຫວຽດນາມ ທີ່ກ່ຽວຂ້ອງເຖິງວຽກງານຮັກສາສຸຂະພາບໃຫ້ແກ່ພະນັກງານການທູດ ຫວຽດນາມ ຢູ່ຕ່າງປະເທດໃນສະພາບການໂລກລະບາດ Covid-19 ພວມຜັນແປຢ່າງສັບສົນ, ທ່ານນາງ ເລທິທູຮັ່ງ, ໂຄສົກກະຊວງການຕ່າງປະເທດ ຫວຽດນາມ ແບ່ງປັນວ່າ:
 ນັບແຕ່ເກີດ ໂລກລະບາດ Covid-19  ກະຊວງການຕ່າງປະເທດໄດ້ຊາບຊຶມໃຫ້ພະນັກງານ, ລັດຖະກອນ, ພາລະກອນຂອງກະຊວງທັງຢູ່ພາຍໃນ ແລະ ຕ່າງປະເທດທັງໝົດ ຍົກສູງຈິດໃຈຄວາມຮັບຜິດຊອບ, ປະຕິບັດຢ່າງເຂັ້ມງວດບັນດາການຊີ້ນຳຂອງພັກ, ລັດ, ລັດຖະບານກ່ຽວກັບການປ້ອງກັນ, ສະກັດກັ້ນໂລກລະບາດ Covid-19, ພ້ອມກັບບັນດາຂໍ້ກຳນົດ, ຄຳຮຽກຮ້ອງກ່ຽວກັບການປ້ອງກັນ, ສະກັດກັ້ນໂລກລະບາດຢູ່ປະເທດປະຈຳຖິ່ນ ເມື່ອໄປປະຕິບັດງານຢູ່ຕ່າງປະເທດ.

ທ່ານນາງ ເລທິທູຮັ່ງ, ໂຄສົກກະຊວງການຕ່າງປະເທດ ຫວຽດນາມ (ພາບ: TTXVN)

ໂດຍປະຕິບັດຕາມການຊີ້ນຳຂອງກະຊວງການຕ່າງປະເທດ ຫວຽດນາມ, ບັນດາອົງການຕາງໜ້າ ຫວຽດນາມ ປະຈຳຢູ່ຕ່າງປະເທດ ໄດ້ປະຕິບັດ ບັນດາມາດຕະການປ້ອງກັນ, ສະກັດກັ້ນໂລກລະບາດຢ່າງເຂັ້ມງວດ, ຮັບປະກັນຄວາມປອດໄພດ້ານອະນາໄມລະບາດວິທະຍາ; ປະຕິບັດຄຳຮຽກຮ້ອງ, ຂໍ້ສະເໜີແນະ, ຂໍ້ກຳນົດກ່ຽວກັບການປ້ອງກັນ, ສະກັດກັ້ນໂລກລະບາດຂອງປະເທດປະຈຳຖິ່ນຢ່າງເຂັ້ມງວດ ເພື່ອທັງຮັບປະກັນການປະຕິບັດວຽກງານໃຫ້ເປັນຢ່າງດີ ແລະ ທັງຮັບປະກັນຄວາມປອດໄພ, ຮັກສາສຸຂະພາບໃຫ້ບັນດາພະນັກງານ, ລັດຖະກອນ, ພາລະກອນການທູດ ແລະ ຄອບຄົວ.

        ມາຮອດຈຸດເວລານີ້, ບັນດາພະນັກງານ, ລັດຖະກອນຂອງອົງການຕາງໜ້າ ຫວຽດນາມ ທີ່ປະຈຳຢູ່ຕ່າງປະເທດ ຍັງບໍ່ທັນມີໃຜ ຕິດໂລກລະບາດ Covid-19 ເທື່ອ.

(ແຫຼ່ງຄັດຈາກ VOV)