ຜູ້ອຳນວຍການໃຫຍ່ WHO ກ່າວເຕືອນໂລກລະບາດ Covid – 19 ຍັງສືບຕໍ່ແຜ່ລະບາດ
ໂລກລະບາດ Covid – 19 ຍັງຄົງສືບຕໍ່ແຜ່ລະບາດ ແລະ ຜົນກະທົບຂອງມັນຈະຄົງຕົວໃນໄລຍະຫຼາຍສີບປີຈະມາເຖິງ.
ທ່ານ Tedros Adhanom Ghebreyesus ຜູ້ອຳນວຍການອົງການອະນາໄມໂລກ (WHO) (ພາບ: TTXVN)
ຕາມຖະແຫຼງການຂອງ ທ່ານ Tedros Adhanom Ghebreyesus ຜູ້ອຳນວຍການອົງການອະນາໄມໂລກ (WHO) ທີ່ໄດ້ຍົກອອກມາໃນວັນທີ 22 ມິຖຸນາ ຢູ່ກອງປະຊຸມຂັ້ນສູງທາງອອນລາຍແລ້ວ, ໂລກລະບາດ Covid – 19 ບໍ່ພຽງແຕ່ແມ່ນວິກິດການທາງດ້ານສາທາລະນະສຸກເທົ່ານັ້ນ, ຫາກແມ່ນວິກິດການທາງດ້ານເສດຖະກິດ, ວິກິດການທາງສັງຄົມ ແລະ ຢູ່ຫຼາຍປະເທດ ກໍ່ຍັງແມ່ນວິກິດການທາງດ້ານການເມືອງ ອີກດ້ວຍ. ໄພນາບຂູ່ຍິ່ງໃຫຍ່ທີ່ສຸດສຳລັບໂລກບໍ່ພຽງແຕ່ແມ່ນ ເຊື້ອໄວຣັດ SARS – CoV – 2 ເທົ່ານັ້ນ, ຫາກຍັງແມ່ນ ການຂາດນ້ຳໃຈຄວາມສາມັກຄີ ແລະ ການຊີ້ນຳ - ນຳພາທົ່ວໂລກ”. ທ່ານ Tedros Adhanom Ghebreyesus ໄດ້ຢັ້ງຢືນວ່າ “ໃນພວກເຮົາບໍ່ມີຜູ້ໃດມີຄວາມປອດໄພຈົນຮອດເວລາ ພວກເຮົາທັງໝົດຈະລ້ວນແຕ່ມີຄວາມປອດໄພ”
ໃນອາທິດກ່ອນ, WHO ໄດ້ກ່າວເຕືອນໄລຍະໃໝ່ແລະ ຄວາມອັນຕະລາຍຂອງ ໂລກລະບາດ Covid – 19 ໃນສະພາບການທີ່ຫຼາຍປະເທດໄດ້ມີການຜ່ອນຜັນບັນດາມາດຕະການປິດເມືອງໂດຍໄວ ໂດຍບໍ່ຫົວຊາຕໍ່ການແຜ່ລະບາດຂອງໂລກລະບາດ.
(ແຫຼ່ງຄັດຈາກ VOV)