ຂ່າວສານ
ປະທານປະເທດ ຫວຽດນາມ ຕ້ອນຮັບເອກອັກຄະລັດຖະທູດ ໄທ ເຂົ້າຢ້ຽມອຳລາເນື່ອງໃນໂອກາດສິ້ນສຸດອາຍຸການປະຕິບັດງານ
ທ່ານປະທານປະເທດ ເຈີ່ນດ້າຍກວາງ ແລະ ທ່ານເອກອັກຄະລັດຖະທູດ ໄທ ມະນົບໃຈ ວົງພັກດີ
ທີ່ການຕ້ອນຮັບ, ທ່ານປະທານປະເທດ ເຈີ່ນດ້າຍກວາງ ຕີລາຄາສູງບັນດາການປະກອບສ່ວນຢ່າງຕັ້ງໜ້າຂອງທ່ານເອກອັກຄະລັດຖະທູດ ໃນການປັບປຸງ ແລະ ພັດທະນາການພົວພັນຄູ່ຮ່ວມມືຍຸດທະສາດ ຫວຽດນາມ - ໄທ. ທ່ານປະທານປະເທດຊົມເຊີຍບັນດາວິສາຫະກິດໄທ ເປີດກ້ວາງບັນດາການເຄື່ອນໄຫວດຳເນີນທຸລະກິດຢູ່ ຫວຽດນາມ ແລະ ໃຫ້ຮູ້ວ່າ: ແຜນນະໂຍບາຍຂອງ ຫວຽດນາມ ແມ່ນຍາມໃດກໍ່ສ້າງເງື່ອນໄຂດີທີ່ສຸດໃຫ້ບັນດາວິສາຫະກິດຕ່າງປະເທດດຳເນີນທຸລະກິດຢູ່ ຫວຽດນາມ ຖືກຕາມລະບຽບກົດໝາຍ ເພື່ອຜົນປະໂຫຍດລວມຂອງ 2 ປະເທດ.
ສ່ວນທ່ານ ມະນົບໃຈ ວົງພັກດີ ຢືນຢັນວ່າ: ເຖິງວ່າຈະຢູ່ໃນຖານະຕຳແໜ່ງໃດໆ ຍາມໃດທ່ານກໍຈະເປັນຂົວເຊື່ອມຕໍ່ ຊຸກຍູ້ການພົວພັນຄູ່ຮ່ວມມືຍຸດທະສາດ ລະຫວ່າງ 2 ປະເທດນັບມື້ນັບພັດທະນາຂຶ້ນສູ່ລະດັບສູງໃໝ່.
(ແຫຼ່ງຄັດຈາກ VOV)
