05/01/2020 10:47 GMT+7 Email Print Like 0

ບຸນປີ​ໃໝ່ປະ​ຈໍາ​ຊາດ - ບຸນ​ເຕັດ Fetivals 2020 ຄັ້ງ​ທໍາ​ອິດ ຖືກ​ຈັດ​ຂ້ຶນ​ຢູ່​ນະຄອນ​ໂຮ່ຈີ​ມິນ

ຕອນຄໍ່າວັນທີ 3 ມັງກອນ, ບຸນ ປີໃໝ່ປະຈໍາຊາດ - ບຸນເຕັດ Fetivals 2020 ໄດ້ໄຂຂຶ້ນຢູ່ສວນສາທາລະນະ ເລວັນຕ໊າມ, ເມືອງ 3, ນະຄອນໂຮ່ຈີມິນ. 

ພາເຂົ້າຂອງວັນບຸນເຕັດຢູ່ພາກເໜືອຫວຽດນາມ (ພາບ: TTXVN) 

ງານບຸນດັ່ງກ່າວ ໂດຍພະແນກທ່ອງທ່ຽວນະຄອນໂຮ່ຈີມິນ ສົມທົບກັບ ສະຫະສະມາຄົມອາຫານການກິນຫວຽດນາມ ສົມທົບກັນຈັດຕັ້ງເປັນຄັ້ງທໍາອິດ ເພື່ອແນໃສ່ເຊີດຊູບັນດາຄຸນຄ່າວັດທະນະທໍາ ແລະ ອາຫານາການກິນຂອງຫວຽດນາມ.

        ບຸນເຕັດ Fetivals 2020  ລວມມີ 5 ເຫດການຕົ້ນຕໍ ຄື: ໄປທ່ຽວຊົມບັນຍາກາດບຸນປີໃໝ່ປະຈໍາຊາດ, ພິທີກໍາຕ່າງໆໃນບຸນປີໃໝ່ປະຈໍາຊາດ, ຫຼິ້ນບຸນປີໃໝ່, ຕະຫຼາດບຸນປີໃໝ່  ເພື່ອແນໃສ່ນໍາມາເຊິ່ງກາລະໂອກາດໃຫ້ແກ່ປະຊາຊົນ ແລະ ແຂກທ່ອງທ່ຽວຊອກຮູ້ເພີ່ມເຕີມກ່ຽວກັບຄວາມໝາຍຂອງບຸນປີໃໝ່ປະຈໍາຊາດ ແລະ ບັນດາພິທີກໍາຕ່າງໆທີ່ໄດ້ຈັດຂຶ້ນໃນຊຸມວັນບຸນ.

        ບຸນເຕັດ Fetivals 2020  ກໍແນະນໍາຫຼາຍລາຍການທີ່ເປັນເອກະລັກຄື: ຫໍ່ເຂົ້າຕົ້ມ; ຊີມບັນດາເຍື່ອງອາຫານທີ່ເປັນເອກະລັກສະເພາະຂອງແຕ່ລະເຂດພາກ; ການລະຫຼີ້ນພື້ນເມືອງ... ລາຍການຂອງງານບຸນຄັ້ງນີ້ ແມ່ນສຸມໃສ່ເລື່ອງເລົ່າຄືນບັນດາເລື່ອງລາວໃນໂອກາດບຸນປີໃໝ່ປະຈໍາຊາດຂອງຫວຽດນາມ ໂດຍຜ່ານການວາງສະແດງພາບຖ່າຍ, ສະແດງເທິງເວທີ, ການລະຫຼິ້ນພື້ນເມືອງ... ເພື່ອໃຫ້ຜູ້ຊົມສາມາດເຂົ້າໃຈໄດ້ຢ່າງງ່າຍດາຍ ແລະ ສໍາຜັດກັບບັນຍາກາດຂອງບຸນປີໃໝ່ປະຈໍາຊາດຂອງຫວຽດນາມ.

(ແຫຼ່ງຄັດຈາກ VOV)