04/10/2020 08:19 GMT+7 Email Print Like 0

ບັນດາເຫດການໃນບັ້ນຫາສຽງເລືອກຕັ້ງຂອງທ່ານປະທານາທິບໍດີອາເມລິກາ D.Trump ຈະຖືກໂຈະໄວ້ຫຼືຈັດຂຶ້ນທາງອອນລາຍ

      ທຸກເຫດການທີ່ກ່ຽວຂ້ອງເຖິງບັນດາສະມາຊິກໃນຄອບຄົວຂອງທ່ານປະທານາທິບໍດີ D.Trump ທີ່ໄດ້ຂຶ້ນແຜນກ່ອນໜ້ານັ້ນແມ່ນພວມໂຈະໄວ້ຊົ່ວຄາວ.

ທ່ານປະທານາທິບໍດີອາເມລິກາ Donald Trump
(ພາບ: Reuters)
      ທຸກເຫດການໃນບັ້ນເຄື່ອນໄຫວຫາສຽງເລືອກຕັ້ງທີ່ກ່ຽວຂ້ອງເຖິງທ່ານປະທານາທິບໍດີອາເມລິກາ Donald Trump ຈະຖືກໂຈະໄວ້ຊົ່ວຄາວ ຫຼື ຈະໄດ້ຈັດຂຶ້ນທາງອອນລາຍ, ພາຍຫຼັງທີ່ທ່ານ D.Trump ຕິດເຊື້ອພະຍາດໂຄວິດ-19.
        ໃນຖະແຫຼງການສະບັບອອກວັນທີ 02 ຕຸລາ, ທ່ານ Bill Stepien, ຜູ້ຄຸ້ມຄອງບັ້ນຫາສຽງເລືອກຕັ້ງຂອງທ່ານປະທານາທິບໍດີ D.Trump ໃຫ້ຮູ້ວ່າ, ທຸກເຫດການທີ່ກ່ຽວຂ້ອງເຖິງບັນດາສະມາຊິກໃນຄອບຄົວຂອງທ່ານປະທານາທິບໍດີ D.Trump ທີ່ໄດ້ຂຶ້ນແຜນກ່ອນໜ້ານັ້ນແມ່ນພວມໂຈະໄວ້ຊົ່ວຄາວ. ບັນດາເຫດການອື່ນໆຈະໄດ້ຮັບການພິຈາລະນາຕາມແຕ່ລະກໍລະນີລະອຽດ.
        ທ່ານ Bill Stepien, ກໍ່ໃສ່ໃຈວ່າ, ທ່ານຮອງປະທານາທິບໍດີ Mike Pence, ກວດເຊື້ອພະຍາດໂຄວິດ-19 ມີຜົນກວດອອກມາເປັນລົບໃນຕອນເຊົ້າວັນທີ 02 ຕຸລາ, ທ່ານຈະສືບຕໍ່ຫາສຽງເລືອກຕັ້ງຕາມແຜນການຂອງຕົນ.
(ແຫຼ່ງຄັດຈາກ VOV)