ທ່ານເອກອັກຄະລັດຖະທູດຫວຽດນາມ ປະຈຳອາເມລິກາ ຟ້າມກວາງວິງ ຫາກໍ່ມີການພົບປະກັບບັນດາສະມາຊິກສະພາສູງ, ປະທານກຳມາທິການກຳລັງທະຫານສະພາສູງ, ສະມາຊິກສະພາຕ່ຳອາເມລິກາ; ປະທານຮ່ວມກຸ່ມອາຊຽນ ຢູ່ສະພາແຫ່ງຊາດອາເມລິກາ…
 

ບັນດາສະມາຊິກລັດຖະສະພາອາເມລິກາປາດຖະໜາຢາກຊຸກຍູ້ການພົວພັນ
ກັບຫວຽດນາມແລະອາຊຽນ
(ພາບ: Vietnam+)

      ທີ່ບັນດາການພົບປະກັບສະມາຊິກລັດຖະສະພາອາເມລິກາ, ທ່ານເອກອັກຄະລັດຖະທູດ ຟ້າມກວາງວິງ ໄດ້ແຈ້ງສານຂອງການນຳຫວຽດນາມ ປາດຖະໜາຢາກພ້ອມກັບອຳນາດການປົກຄອງ ແລະ ສະພາແຫ່ງຊາດໃໝ່ຂອງອາເມລິກາ ເພີ່ມທະວີການພົວພັນຄູ່ຮ່ວມມືລະຫວ່າງ 2 ປະເທດກວ່າອີກ, ຊຸກຍູ້ບັນດາການຢ້ຽມຢາມຂັ້ນສູງ ແລະ ທຸກຂັ້ນ. ທ່ານສະມາຊິກສະພາສູງ John McCain  ຢືນຢັນວ່າ ຈະສືບຕໍ່ຊຸກຍູ້ການພົວພັນລະຫວ່າງ 2 ປະເທດໃຫ້ພັດທະນາຢ່າງແຮງກວ່າອີກໃນທຸກດ້ານ, ນັບທັງທາງດ້ານການເມືອງ, ເສດຖະກິດ, ການແກ້ໄຂຜົນຮ້າຍຢ້ອນຫຼັງຈາກສົງຄາມ… ທ່ານນາງສະມາຊິກສະພາຕ່ຳ Murphy ໃຫ້ຮູ້ວ່າ, ໃນຖານະແມ່ນສະມາຊິກລັດຖະສະພາຍິງຊາວອາເມລິກາ ເຊື້ອຊາດຫວຽດນາມ ຄົນທຳອິດຢູ່ສະພາແຫ່ງຊາດສະຫະລັດ, ຈະເອົາໃຈໃສ່ທີ່ສຸດເຖິງການເຊື່ອມຈອດກັບປະຊາຄົມຊາວຫວຽດນາມ ປະຈຳອາເມລິກາ. ທ່ານນາງ Murphy ຢືນຢັນ ພ້ອມແລ້ວທີ່ຈະເຊື່ອມຕໍ່ບັນດາວິສາຫະກິດລັດ Florida ກັບບັນດາວິສາຫະກິດຫວຽດນາມ.
        ກ່ອນໜ້ານັ້ນ, ກ່າວຄຳເຫັນໃນການພົບປະກັບ 2 ທ່ານເຊິ່ງເປັນປະທານຮ່ວມກຸ່ມອາຊຽນ ຂອງສະພາແຫ່ງຊາດອາເມລິກາ. ທ່ານເອກອັກຄະລັດຖະທູດ ຟ້າມກວາງວິງ ຢືນຢັນວ່າ ຈະຕັ້ງໜ້າສົມທົບກັນ ແລະ ປະກອບສ່ວນເຂົ້າໃນວຽກງານຂອງກຸ່ມສະມາຊິກລັດຖະສະພາ, ໂດຍສະເພາະແມ່ນຜັນຂະຫຍາຍບັນດາການເຄື່ອນໄຫວຮ່ວມມືຢ່າງແທດຈິງເພື່ອແນໃສ່ສະເຫຼີມສະຫຼອງ 50 ປີແຫ່ງວັນສ້າງຕັ້ງອາຊຽນ ແລະ 40 ປີແຫ່ງການພົວພັນອາຊຽນ - ອາເມລິກາ ໃນປີ 2017.

 (ແຫຼ່ງຄັດຈາກ VOV)