ຂ່າວສານ

ນັກຖ່າຍຮູບ Nick Ut ມອບພາບຖ່າຍ “ເດັກຍິງ Napalm”ໃຫ້ຫໍພິພິທະພັນແມ່ຍິງຫວຽດນາມ

07/05/2017

ຕອນເຊົ້າວັນທີ 6/5, ຫໍພິພິທະພັນແມ່ຍິງຫວຽດນາມ ໄດ້ຮັບພາບຖ່າຍ ແລະ ວັດຖຸພັນ ໂດຍນັກຖ່າຍຮູບ Nick Ut ອະດີດນັກຂ່າວພາບຂອງ ສຳນັກຂ່າວສານ AP ຂອງອາເມລິກາ ມອບໃຫ້.

ເດັກຍິງ ກີມຟຸກ ຖືກດາດຍ້ອນລູກລະເບີດ Napalm

ນັກຖ່າຍຮູບຄົນນີ້ໄດ້ມອບໃຫ້ຫໍພິພິທະພັນ ແມ່ຍິງຫວຽດນາມ ພາບຖ່າຍ 5 ແຜ່ນ, ໃນນັ້ນ ມີພາບຖ່າຍ ເດັກຍິງ ກີມຟຸກ ຖືກດາດຍ້ອນລູກລະເບີດ Napalm ເມື່ອວັນທີ 8/6/1972 ຢູ່ ຈ໋າງບາງ, ໄຕນີງ ແລະ ກ້ອງຖ່າຍຮູບໂດຍທ່ານນຳໃຊ້ໃນໄລຍະເປັນນັກຂ່າວພາບຢູ່ສະຫນາມຮົບຫວຽດນາມ. ພາບຖ່າຍ “ເດັກຍິງ Napalm” ໄດ້ສ່ອງແສງໃຫ້ເຫັນຄວາມນອງເລືອດ, ໂຫດຮ້າຍຂອງສົງຄາມບໍ່ເປັນທຳຂອງອາເມລິກາ ຢູ່ຫວຽດນາມ, ປ່ຽນແປງການສັງເກດຂອງໂລກກ່ຽວກັບສົງຄາມຫວຽດນາມ, ປຸກລຸກຂະບວນການຄັດຄ້ານສົງຄາມຢູ່ ອາເມລິກາ. ພາບຖ່າຍແຜ່ນນີ້ຖືກຈັດອັນດັບ 41 ໃນຈຳນວນພາບ 100 ແຜ່ນທີ່ມີຜົນສະທ້ອນທີ່ສຸດໃນສັດຕະວັດທີ 20. ພາບຖ່າຍດັ່ງກ່າວໄດ້ເຮັດໃຫ້ ເດັກຍິງ ກີມຟຸກໃນຄາວນັ້ນ ຈາກຜູ້ປະສົບເຄາະຮ້າຍຈາກສົງຄາມ ປະຈຸບັນ ກາຍເປັນທູດສັນຕິພາບ ຂອງສະຫະປະຊາຊາດ.

(ແຫຼ່ງຄັດຈາກ VOV)

ໄຂກອງປະຊຸມສະໄໝສາມັນເທື່ອທີ 10 ສະພາແຫ່ງຊາດ ຫວຽດນາມ ຊຸດທີ 15

20/10/2025
ຂ່າວສານ

ຕອນເຊົ້າວັນທີ 20 ຕຸລາ, ຢູ່ຫໍປະຊຸມ ຢຽນຮົ່ງ, ຮ່າໂນ້ຍ, ສະພາແຫ່ງຊາດ ຫວຽດນາມ ໄດ້ໄຂກອງປະຊຸມສະໄໝສາມັນເທື່ອທີ 10, ເຊິ່ງແມ່ນກອງປະຊຸມຄັ້ງສຸດທ້າຍຂອງສະພາແຫ່ງຊາດ ຫວຽດນາມ ຊຸດທີ 15. ກອງປະຊຸມວຽກງານຫຼາຍທີ່ສຸດຂອງ ອາຍຸການ, ຄາດວ່າ ດຳເນີນເປັນເວລາປະມານ 40 ວັນ. ເຂົ້າຮ່ວມວາລະໄຂກອງປະຊຸມ, ມີທ່ານເລຂາທິການໃຫຍ່ພັກກອມມູນິດ ຫວຽດນາມ ໂຕເລິມ, ທ່ານປະທານປະເທດ ເລືອງເກື່ອງ, ທ່ານນາຍົກລັດຖະມົນຕີ ຟ້າມມິນຈິງ ແລະ ທ່ານປະທານສະພາແຫ່ງຊາດ ເຈິ່ນແທັງເໝີ້ນ.