ທ່ານນາຍົກລັດຖະມົນຕີ ຟ້າມມິງຈິງ ຮຽກຮ້ອງໃຫ້ວິສາຫະກິດ ພ້ອມກັບລັດຖະບານ ແລະ ອຳນາດການປົກຄອງ ຮ່ວມແຮງຮວມໃຈເພື່ອຮັບປະກັນສຸຂະພາບໃຫ້ແກ່ປະຊາຊົນ, ຮັກສາການຜະລິດ, ດຳເນີນທຸລະກິດ (ພາບ: VGP)

ຕອນບ່າຍວັນທີ 26 ມິຖຸນາ, ຢູ່ນະຄອນໂຮ່ຈີມິນ, ທ່ານນາຍົກລັກຖະມົນຕີ ຫວຽດນາມ ຟ້າມມິງຈິງ ໄດ້ຈັດກອງປະຊຸມທາງອອນລາຍ ກັບການນຳ 8 ແຂວງ, ນະຄອນໂຮ່ຈີມິນຂຶ້ນກັບເຂດເສດຖະກິດຈຸດສຸມທາງພາກໃຕ້ ໃນສະພາບການໂລກລະບາດໂຄວິດ - 19 ພວມມີຜັນແປຢ່າງສັບສົນ.

ທີ່ກອງປະຊຸມ, ບັນດາທ້ອງຖິ່ນໄດ້ລາຍງານສະພາບການຜັນແປໂລກລະບາດໂຄວິດ - 19 ແລະ ສະເໜີໃຫ້ລັດຖະບານບັນດາມາດຕະການປ້ອງກັນ, ຕ້ານໂລກລະບາດໂຄວິດ - 19. ສະຫຼຸບກອງປະຊຸມ, ທ່ານນາຍົກລັດຖະມົນຕີ ຟ້າມມິງຈິງ ໄດ້ຕີລາຄາວ່າ ສະພາບການໂລກລະບາດໂຄວິດ - 19 ຍັງມີການຜັນແປ່ຢ່າງສັບສົນຢູ່ນະຄອນໂຮ່ຈິມິນ ດັ່ງນັ້ນມັນກໍ່ຜົນກະທົບຕໍ່ 7 ແຂວງທີ່ຍັງເຫຼືອ. ໃນໄລຍະຈະມາເຖິງຕ້ອງກວດກາຢ່າງເຄັ່ງຄັດທັງທາງບົກ ແລະ ທາງອາກາດ. ທ່ານນາຍົກລັດຖະມົນຕີ ເນັ້ນໜັກວ່າ ວິທີການປ້ອງກັນ, ຕ້ານໂລກລະບາດໂຄວິດ - 19 ຕ້ອງມີຄວາມໄຫວພິບ ແລະ ມີຫົວຄິດປະດິດສ້າງ, ຕິດແທດສະພາບການຕົວຈິງ, ຍົກອອກບັນດາວິທີການຢ່າງມີປະສິດທິຜົນ ໃນການປ້ອງກັນ, ຕ້ານໂລກລະບາດ ແລະ ດຳເນີນທຸລະກິດ. ໄປຄຽງຄູ່ກັນນັ້ນ, ບັນດາທ້ອງຖິ່ນ ຕ້ອງເພິ່ງຕົນເອງສ້າງຄວາມເຂັ້ມແຂງດ້ວຍຕົນເອງ, ມີຄວາມຮັບຜິດຊອບໃນຂອບເຂດສິດອຳນາດຂອງຕົນໃນການຄວບຄຸມ.