ຂ່າວສານ
ທ່ານນາຍົກລັດຖະມົນຕີຟ້າມມິນຈິງໂອ້ລົມທາງໂທລະສັບກັບທ່ານນາຍົກລັດຖະມົນຕີຈິນ ຫລີເຄີສຽງ
ວັນທີ 4 ມິຖຸນາ, ທີ່ສຳນັກງານລັດຖະບານ, ທ່ານນາຍົກລັດຖະມົນຕີຫວຽດນາມ ຟ້າມມິນຈິງ ໄດ້ມີການໂອ້ລົມທາງໂທລະສັບກັບນາຍົກລັດຖະມົນຕີຈີນ ຫລີເຄີສຽງ.
ທີ່ການໂອ້ລົມທາງໂທລະສັບ, ນາຍົກລັດຖະມົນຕີສອງທ່ານ ໄດ້ເຫັນດີເປັນເອກະສັນໂດຍຖືວ່າ: ບົນພື້ນຖານສາຍພົວພັນມິດຕະພາບທີ່ເປັນມູນເຊື້ອ ແລະ ການຊີ້ນຳຂອງບັນດາການນຳພັກ, ລັດ, ນຳໜ້າແມ່ນທ່ານເລຂາທິການໃຫ່ຍຫງວຽນຝູຈ້ອງ ແລະ ທ່ານເລຂາທິການໃຫ່ຍ ສືຈິນຜິງ ພ້ອມກັບຄວາມມານະພະຍາຍາມຂອງທັງສອງຝ່າຍ, ການພົວພັນລະຫວ່າງສອງພັກ ໄດ້ສືບຕໍ່ພັດທະນາຢ່າງດີງາມໃນທຸກຂົງເຂດໃນໄລຍະຜ່ານມາ. ນາຍົກລັດຖະມົນຕີສອງທ່ານ ໄດ້ແລກປ່ຽນ ແລະ ບັນລຸໄດ້ຄວາມຮັບຮູ້ລວມກ່ຽວກັບຄວາມສຳຄັນຂອງສາຍພົວພັນຖານບ້ານໃກ້ເຮືອນຄຽງມິດຕະພາບທີ່ເປັນມູນເຊື້ອ, ຄູ່ຮ່ວມມືຍຸດທະສາດຮອບດ້ານ ຫວຽດນາມ-ຈິນ ແລະ ບັນດາມາດຕະການເພີ່ມທະວີສາຍພົວພັນໃນໄລຍະຈະມາເຖິງ.
ກ່ຽວກັບບັນຫາທະເລ, ທ່ານນາຍົກລັດຖະມົນຕີຫວຽດນາມ ຟ້າມມິນຈິງ ສະເໜີໃຫ້ພ້ອມກັນມານະພະຍາຍາມຮັກສາສັນຕິພາບ, ສະຖຽນລະພາບ, ແກ້ໄຂຢ່າງກົມກຽວ ບັນຫາບົນທະເລຕາມຈິດໃຈຄວາມຮັບຮູ້ລວມຂັ້ນສູງ ແລະ ເຄົາລົບກົດໝາຍ, ໃນນັ້ນມີສົນທິສັນຍາ ສປຊ ກ່ຽວກັບກົດໝາຍວ່າດ້ວຍທະເລປີ 1982; ຄວບຄຸມຄວາມບໍ່ລົງລອຍກັນເປັນຢ່າງດີ ແລະ ມີຄວາມເຂົ້າໃຈ, ສົນໃຈຕໍ່ຜົນປະໂຫຍດ, ສິດຜົດປະໂຫຍອັນຊອບທຳ, ຖືກຕ້ອງຕາມກົດໝາຍຂອງກັນ ເພື່ອພ້ອມກັນຊຸກຍູ້ການແກ້ໄຂບັນຫາທະເລ ຕາມທິດນຳຈາກງ່າຍຫາຍາກ, ບໍ່ສົ່ງຜົນສະທ້ອນເຖິງການພົວພັນສັງລວມລະຫວ່າງສອງປະເທດ. ມານະພະຍາຍາມພ້ອມກັບອາຊຽນ ຕັ້ງໜ້າຊຸກຍູ້ການເຈລະຈາສ້າງກົດແຫ່ງການປະພຶດຂອງບັນດາຝ່າຍຢູ່ທະເລຕາເວັນອອກ (COC) ໃຫ້ມີຄວາມຄືບໜ້າ, ບັນລຸດໄດ້ COC ຢ່າງມີປະສິດທິຜົນ, ແທດຈິງໂດຍໄວ.
ສ່ວນທ່ານນາຍົກລັດຖະມົນຕີຈີນ ຫລີເຄີສຽງ ກໍ່ຢືນຢັນວ່າຈິນ ຖືເປັນສຳຄັນ ແລະ ສົນໃຈຕໍ່ບັນດາຂໍ້ສະເໜີຂອງຫວຽດນາມ ໃນການຮ່ວມມືດ້ານເສດຖະກິດ, ການຄ້າ ແລະ ການລົງທຶນ, ໃນນັ້ນມີເລື່ອງສ້າງເງື່ອນໄຂສະດວກໃຫ້ຜະລິດຕະພັນກະເສດປະເພດຕ່າງໆຂອງຫວຽດນາມ ສົ່ງໄປຈີນ; ທ່ານປາດຖະໜາຢາກຊຸກຍູ້ບັນດາກົນໄກເຈລະຈາບົນທະເລລະຫວ່າງສອງປະເທດ ບັນລຸໄດ້ຄວາມຄືບໜ້າຢ່າງແທດຈິງໂດຍໄວ, ພ້ອມແລ້ວທີ່ຈະພ້ອມກັບຫວຽດນາມ ແລະ ບັນດາປະເທດອາຊຽນ ສືບຕໍ່ມານະພະຍາຍາມບັນລຸໄດ້ COC ໂດຍໄວ.
(ແຫຼ່ງຄັດຈາກ VOV)
