ທ່ານນາຍົກລັດຖະມົນຕົ ຫງວຽນຊວັນຟຸກກ່າວຄຳເຫັນທີ່ພິທີ

ກ່າວຄຳເຫັນທີ່ພິທີສະເຫຼີມສະຫຼອງ, ທ່ານນາຍົກລັດຖະມົນຕົ ຫງວຽນຊວັນຟຸກເນັ້ນໜັກວ່າໃນຊຸມປີຜ່ານມາ, ການປົກປັກຮັກສາ, ເສີມຂະຫຍາຍຄຸນຄ່າບັນດາມໍລະດົກໂລກຍາມໃດ ພັກ, ລັດກໍ່ຖືເປັນສຳຄັນແບບພິເສດ. 20 ປີທີ່ຜ່ານມາ, ອົງຄະນະພັກ ແລະ ອຳນາດການປົກຄອງທຸກຂັ້ນໃນແຂວງກ໋ວາງນາມກໍ່ໄດ້ເອົາໃຈໃສ່ເຖິງວຽກງານການອະນຸລັກຮັກສາແລະ ເສີມຂະຫຍາຍບັນດາຄຸນຄ່າມໍລະດົກໂລກຢ່າງບໍ່ຢຸດຢັ້ງ. ທ່ານ ຫງວຽນຊວັນຟຸກ ສະເໜີໃຫ້ອຳນາດການປົກຄອງ ແລະ ປະຊາຊົນແຂວງກ໋ວາງນາມສືບຕໍ່ປະຕິບັດການວາງແຜນຜັງໃຫ້ສົມບູນແບບ, ຜັນຂະຫຍາຍວຽກງານອະນຸລັກຮັກສາ, ບູລະນະ ແລະ ເສີມຂະຫຍາຍຄຸນຄ່າ ຄຸ້ມເມືອງເກົ່າໂຮ້ຍອາຍ, ທາດເຈດີ ມິ້ເຊີນ ຢ່າງມີປະສິດທິຜົນ. ທ່ານ ກ່າວວ່າ:

        ຂ້າພະເຂົ້າຂໍເນັ້ນໜັກວ່າ, ທຸກໆບ່ອນທີ່ມີມໍລະດົກ, ຕ້ອງແມ່ນ ສະຖານທີ່ທີ່ນຳໜ້າ, ເປັນແບບຢ່າງໃນວຽກງານປົກປັກຮັກສາສິ່ງແວດລ້ອມ. ສະຖານທີ່ມໍລະດົກທຸກແຫ່ງຂອງຫວຽດນາມ, ໃນນັ້ນ ໂຮ້ຍອານ ແລະ ເຂດທາດເຈດີ ມິ້ເຊີນຄວນຍູ້ແຮງການດຶງດູດເງິນລົງທຶນພາຍໃນແລະຕ່າງປະເທດເພື່ອແນໃສ່ພັດທະນາບັນດາຜະລິດຕະພັນທ່ອງທ່ຽວ, ຮູບແບບການບໍລິການຢ່າງຫຼາຍຮູບແບບ ແລະ ຍືນຍົງ, ເໝາະສົມກັບສີສັນວັດທະນະທຳ, ຮັບປະກັນຄວາມກົມກຽວລະຫວ່າງເສດຖະກິດສັງຄົມ ແລະ ສິ່ງແວດລ້ອມ. ພວກເຮົາຄວນໃສ່ໃຈວ່າ ການອະນຸລັກຮັກສາ ແລະ ເສີມຂະຫຍາຍບັນດາຄຸນຄ່າມໍລະດົກຂອງ ຫວຽດນາມແມ່ນໜ້າທີ່ດ້ານການເມືອງທີ່ສຳຄັນ, ເປັນປັດໄຈປະກອບສ່ວນຊຸກຍູ້ບັນດາການພົວພັນຮ່ວມມືສາກົນໃນຫຼາຍດ້ານຄືວັດທະນະທຳການເມືອງ, ເສດຖະກິດວັດທະນະທຳ, ປ້ອງກັນຊາດ ແລະ ປ້ອງກັນຄວາມສະຫງົບໃຫ້ເຂົ້າສູ່ລວງເລິກ.

(ແຫຼ່ງຄັດຈາກ VOV)