ທ່ານຮອງນາຍົກລັດຖະມົນຕີ ເຈືອງຮ່ວາບີ່ງ ກ່າວຄຳເຫັນທີ່ການເຮັດວຽກ
ຕອນບ່າຍວັນທີ 26/4, ທ່ານຮອງນາຍົກລັດຖະມົນຕີ ເຈືອງຮ່ວາບີ່ງ ໄດ້ເຮັດວຽກກັບການນຳຫຼັກແຫຼ່ງແຂວງ ຮ່າຢາງ ກ່ຽວກັບວຽກງານຊົນເຜົ່າ. ນະທີ່ນີ້, ທ່ານຮອງນາຍົກລັດຖະມົນຕີ ເຈືອງຮ່ວາບີ່ງ ໄດ້ເນັ້ນໜັກວ່າ: ພັກ ແລະ ລັດຍາມໃດກໍ່ເອົາໃຈໃສ່, ມີກົນໄກນະໂຍບາຍໜູນຊ່ວຍເພື່ອພັດທະນາເສດຖະກິດ - ສັງຄົມເຂດຊົນເຜົ່າສ່ວນໜ້ອຍ, ເຂດປະສົບກັບຄວາມຫຍຸ້ງຍາກເປັນພິເສດ. ທ່ານຮອງນາຍົກລັດຖະມົນຕີ ເຈືອງຮ່ວາບີ່ງ ສະເໜີໃຫ້ແຂວງ ຮ່າຢາງ ສືບຕໍ່ຜັນຂະຫຍາຍບັນດາໂຄງການ, ນະໂຍບາຍຊົນເຜົ່າຢ່າງມີປະສິດທິຜົນ, ຍູ້ແຮງພາລະກິດລົບລ້າງຄວາມອຶດຫິວຫລຸດຜ່ອນຄວາມທຸກຍາກ, ຍົກສູງຄຸນນະພາບຊີວິດການເປັນຢູ່ໃຫ້ແກ່ພໍ່ແມ່ປະຊາຊົນຊົນເຜົ່າສ່ວນໜ້ອຍ, ເຂດທີ່ປະສົບກັບຄວາມຫຍຸ້ງຍາກເປັນພິເສດ. ທ່ານຮອງນາຍົກລັດຖະມົນຕີ ເຈືອງຮ່ວາບີ່ງ ກໍ່ສະເໜີໃຫ້ແຂວງຮ່າຢາງ ທະວີຄູນບັນດາຮູບແບບພັດທະນາເສດຖະກິດຢ່າງມີປະສິດທິຜົນສ້າງ ແລະ ເສີມຂະຫຍາຍສີສັນຂອງບັນດຳຊົນເຜົ່າສ່ວນໜ້ອຍຍູ້ແຮງການພັດທະນາການທ່ອງທ່ຽວ, ມີຍຸດທະສາດບຳລຸງສ້າງ, ພັດທະນາແຫຼ່ງຊັບພະຍາກອນມະນຸດຊົນເຜົ່າສ່ວນໜ້ອຍ, ສ້າງເງື່ອນໄຂສະດວກໃນການພັດທະນາເສດຖະກິດ, ປົກປ້ອງຮັບປະກັນການປ້ອງກັນຊາດ ປ້ອງກັນຄວາມສະຫງົບ, ຮັກສາອະທິປະໄຕແຫ່ງຊາດ ແລະ ຄວາມເປັນລະບຽບຮຽບຮ້ອຍຄວາມປອດໄພທາງສັງຄົມເພື່ອພັດທະນາເປັນປົກກະຕິ ແລະ ຍືນຍົງ, ນຳແຂວງ ຮ່າຢາງ ກາຍເປັນຈຸດພົ້ນເດັ່ນຂອງເຂດດິນຕອນເໜືອສຸດຂອງປະເທດຊາດ.
(ແຫຼ່ງຄັດຈາກ VOV)
