ທ່ານນາງປະທານສະພາແຫ່ງຊາດ ຫງວຽນທິກີມເງິນ
ຢ້ຽມຢາມ ແລະ ເຮັດວຽກຢູ່ ລາຍເຈົາ
(ພາບ: daibieunhandan)
ທີ່ການເຮັດວຽກໃນຕອນເຊົ້າວັນທີ 11/03, ທ່ານນາງປະທານສະພາແຫ່ງຊາດ ຫວຽດນາມ ຫງວຽນທິກີມເງິນ ຕີລາຄາສູງເມືອງ ນ້ຳຍູນ ເຖິງວ່າແມ່ນເມືອງຊາຍແດນຍັງປະສົບກັບຄວາມຫຍຸ້ງຍາກຫລາຍຢ່າງກໍ່ຕາມ ແຕ່ໄດ້ປະຕິບັດວຽກງານຮັບປະກັນຊີວິດສັງຄົມ, ເບິ່ງແຍງດູແລຊີວິດການເປັນຢູ່ໃຫ້ປະຊາຊົນຢ່າງດີພໍສົນຄວນ. ທ່ານນາງປະທານສະພາແຫ່ງຊາດຖືວ່າ ດ້ວຍໂຄງການເຂື່ອນໄຟຟ້ານ້ຳຕົກ ລາຍເຈົາ ໃນບໍລິເວນ, ນ້ຳຍູນ ຄວນເອົາໃຈໃສ່ພິເສດ ເຖິງການຮັກສາປ່າ ແລະ ພັດທະນາປ່າ. ຈາກນັ້ນ ປະຕິບັດພາລະໜ້າທີ່ສະສົມ ແລະ ປ່ອຍນ້ຳເປັນຢ່າງດີ, ປະກອບສ່ວນຮັບປະກັນຄວາມປອດໄພແຫຼ່ງນ້ຳກໍ່ຄືຮັກສາປ່າສະຫງວນ. ບັນດາຂໍ້ສະເໜີຂອງ ນ້ຳຍູນ ກໍ່ຄືແຂວງ ລາຍເຈົາ ກ່ຽວກັບລະບອບ, ນະໂຍບາຍໃຫ້ແກ່ຜູ້ປູກປ່າ ຈະຖືກຄະນະປະຕິບັດງານຄົ້ນຄວ້າ ແລະ ສະເໜີບັນດາອົງການທີ່ກ່ຽວຂ້ອງແກ້ໄຂ. ທ່ານນາງປະທານສະພາແຫ່ງຊາດ ຢືນຢັນວ່າ ພັກ ແລະ ລັດເອົາໃຈໃສ່ເປັນພິເສດເຖິງວຽກງານຍົກຍ້າຍປະຊາຊົນຕັ້ງຖິ່ນຖານຄົງທີ່ຄືນໃໝ່. ທ່ານນາງປະທານສະພາແຫ່ງຊາດສະເໜີ ນ້ຳຍູນ ຄວນສືບຕໍ່ແກ້ໄຂ, ປະຕິບັດບັນດານະໂຍບາຍຮັບປະກັນຊີວິດການເປັນຢູ່ໃຫ້ແກ່ 738 ຄອບຄົວດ້ວຍພົນລະເມືອງ 3.023 ຄົນທີ່ຂຶ້ນກັບເປົ້າໝາຍຕັ້ງຖິ່ນຖານຄົງຈາກໂຄງການທີ່ເຂື່ອນໄຟຟ້ານ້ຳຕົກ ເຊີນລາ ຄືນໃໝ່.
(ແຫຼ່ງຄັດຈາກ VOV)
