07/03/2020 13:18 GMT+7 Email Print Like 0

ດັດປັບ, ເປີດກ້ວາງຕາໜ່າງສະໜອງນ້ຳໃຫ້ແກ່ເຂດທົ່ງພຽງແມ່ນ້ຳຂອງທາງພາກໃຕ້ ຫວຽດນາມ

      ຕອນບ່າຍວັນທີ 5 ມີນາ, ຄະນະປະຕິບັດງານຂອງ ທະນາຄານໂລກ (WB) ໂດຍທ່ານ David Lord, ຫົວໜ້າໂຄງການ ສະເໜີ ການສະໜອງນ້ຳໃຫ້ແກ່ເຂດທົ່ງພຽງແມ່ນ້ຳຂອງທາງພາກໃຕ້ ຫວຽດນາມຢ່າງປອດໄພເປັນຫົວໜ້າຄະນະ, ໄດ້ມີການເຮັດວຽກກັບຄະນະກຳມະການປະຊາຊົນແຂວງ ອານຢາງ ກ່ຽວກັບການດັດປັບ ແລະ ເປີດກ້ວາງຕາໜ່າງສະໜອງນ້ຳລະດັບເຂດຂອງແຂວງ ອານຢາງ.

ມອບອ່າງເກັບນ້ຳ ແລະ ສະໜອງນ້ຳຈືດໃຫ້ແກ່ປະຊາຊົນເຂດໄພແຫ້ງແລ້ງ ແລະ ນ້ຳທະເລຊຶມ ຢູ່ແຂວງເບັ໊ນແຈ (ພາບ: TTXVN) 
      ກ່າວຄຳເຫັນທີ່ການເຮັດວຽກ, ທ່ານ ຫງວຽນແທັງບີ່ງ, ປະທານຄະນະກຳມະການປະຊາຊົນແຂວງ ອານຢາງ ໄດ້ເຫັນດີເປັນເອກະພາບ ຕໍ່ເວລາຜັນຂະຫຍາຍໂຄງການ ແລະ ຄະນະກຳມະການປະຊາຊົນແຂວງໄດ້ມອບໝາຍໃຫ້ພະແນກແຜນການ ແລະ ການລົງທຶນ ເປັນອົງການກະກຽມໂຄງການ, ປະຕິບັດສຳເລັດບັນດາລະບຽບການ ເພື່ອຮອດຕົ້ນເດືອນກັນຍາ 2020 ໃຫ້ໄດ້ຍື່ນສະເໜີຕໍ່ ທ່ານນາຍົກລັດຖະມົນຕີໃຫ້ອະນຸມັດຜ່ານຂໍ້ສະເໜີໂຄງການ.
            ທ່ານ David Lord, ໄດ້ສະເໜີໃຫ້ ແຂວງອານຢາງສົ່ງຄວາມຮຽກຮ້ອງຕ້ອງການຈົດທະບຽນລົງທຶນໂຄງການ ໃຫ້ແກ່ WB ແລະ ກະຊວງແຜນການ ແລະ ການລົງທຶນ, ກະຊວງການເງິນໂດຍໄວເພື່ອນຳໂຄງການດັ່ງກ່າວເຂົ້າໃນແຜນການລົງທຶນພາກລັດໄລຍະກາງ 2021 – 2025.
 (ແຫຼ່ງຄັດຈາກ VOV)