ຂ່າວສານ

ຈີນຢັ້ງຢືນວ່າ ຂໍ້ຕົກລົງດ້ານການຄ້າກັບອາເມລິກາມີຄວາມລົງລອຍກັນເປັນຢ່າງດີ

17/10/2019

ກ່າວຄຳເຫັນທີ່ກອງປະຊຸມຖະແຫຼງຂ່າວໃນວັນທີ 15 ຕຸລາ, ທ່ານ ເກີງຊວາງ ໂຄສົກກະຊວງການຕ່າງປະເທດຈີນ ຢັ້ງຢືນວ່າ ບໍ່ມີ “ຄວາມແຕກຕ່າງກັນ” ໃດກັບອາເມລິກາໃນການມຸ່ງໄປເຖິງການບັນລຸໄດ້ຂໍ້ຕົກລົງດ້ານການຄ້າ.
ກ່ອນໜ້ານັ້ນ, ພາຍຫຼັງການພົບປະກັບທ່ານ ລຽວເຄືອ ຮອງນາຍົກລັດຖະມົນຕີ ຈີນ, ທ່ານປະທານາທິບໍດີ Donald Trump ໄດ້ປະກາດວ່າ ວໍຊິງຕັນ ແລະ ປັກກິ່ງບັນລຸໄດ້ຂໍ້ຕົກລົງດ້ານການຄ້າທີ່ດີພໍສົມຄວນຢູ່ ໃນໄລຍະທີ 1 ກ່ຽວກັບ ຊັບສິນທາງປັນຍາ, ການບໍລິການດ້ານການເງິນ ແລະ ການຊື້ - ຂາຍຜະລິດຕະພັນ ກະເສດດ້ວຍປະລິມານຫຼາຍ. ທ່ານ Donald Trump ໃຫ້ຮູ້ວ່າ ສອງຝ່າຍພວມກ້າວເຂົ້າໃກ້ ຂໍ້ຕົກລົງຢຸດຕິສົງຄາມການຄ້າ ແລະ ຈະຕ້ອງໃຊ້ເວລາປະມານ 5 ອາທິດຕື່ມອີກເພື່ອສາມາດບັນລຸໄດ້ຂໍ້ຕົກລົງທີ່ເປັນລາຍລັກອັກສອນ. ເຖິງຢ່າງໃດກໍ່ຕາມ, ຝ່າຍຈີນ ພຽງແຕ່ຢັ້ງຢືນວ່າ ບັນລຸໄດ້ຄວາມຄືບໜ້າເທົ່ານັ້ນ ແຕ່ບໍ່ໄດ້ເວົ້າວ່າ ບັນລຸໄດ້ຂໍ້ຕົກລົງໃດໃນກອງປະຊຸມ.

(ແຫຼ່ງຄັດຈາກ VOV)

ການຮ່ວມມືຢ່າງແໜ້ນແຟ້ນລະຫວ່າງສະຖາບັນຍຸຕິທຳ ຫວຽດນາມ ແລະ ສະຖາບັນຍຸຕິທຳແຫ່ງຊາດ ລາວ

29/12/2025
ຂ່າວສານ

ບົນພື້ນຖານການພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ລະຫວ່າງສອງປະເທດ ຫວຽດນາມ - ລາວ, ກວ່າ 2 ທົດສະວັດຜ່ານມາ, ສະຖາບັນຍຸຕິທຳ ຫວຽດນາມ ແລະ ສະຖາບັນຍຸຕິທຳລາວ ໄດ້ພ້ອມກັນຂຽນຕໍ່ເລື່ອງລາວທີ່ດີງາມກ່ຽວກັບການແບ່ງປັນພູມປັນຍາ, ການໜູນຊ່ວຍເຊິ່ງກັນແລະກັນ ໃນພາລະກິດ ກໍ່ສ້າງຖັນແຖວພະນັກງານກົດໝາຍໃຫ້ໝັ້ນຄົງເຂັ້ມແຂງ. ຈາກບັນດາການຢ້ຽມຢາມຄັ້ງທຳອິດ, ບັນດາຊຸດຮຽນທີ່ງ່າຍດາຍໃນຕົ້ນຊຸມປີ 2000, ຕະຫຼອດຮອດບັນດາໂຄງການຮ່ວມມືຂະໜາດໃຫຍ່, ການພົວພັນນັ້ນໄດ້ຮັບການເພີ່ມພູນຄູນສ້າງຢ່າງບໍ່ຢຸດຢັ້ງດ້ວຍນ້ຳໃຈສະຫາຍ, ອ້າຍນ້ອງທີ່ສະໜິດຕິດພັນ.