13/10/2021 09:46 GMT+7 Email Print Like 0

ຄະນະປະຈຳສະພາແຫ່ງຊາດ ປະກອບຄຳເຫັນໃສ່ແຜນການສ້າງໂຄງປະກອບພື້ນຖານເສດຖະກິດຄືນໃໝ່ ໄລຍະ 2021 – 2025

      ຄະນະປະຈຳສະພາແຫ່ງຊາດ ຫວຽດນາມ ໄດ້ຈັດກອງປະຊຸມລັບ ເພື່ອປະກອບຄຳເຫັນໃສ່ບົດລາຍງານຂອງລັດຖະບານກ່ຽວກັບໝາກຜົນການປະຕິບັດແຜນການພັດທະນາເສດຖະກິດ - ສັງຄົມ ແລະ ແຜນງົບປະມານແຫ່ງລັດ ປີ 2021, ແຜນການພັດທະນາເສດຖະກິດ - ສັງຄົມ ປີ 2022; ແຜນງົບປະມານແຫ່ງລັດ ແລະ ແຜນການຈັດແບ່ງງົບປະມານສູນກາງປີ 2022.
ກອງປະຊຸມຄະນະປະຈຳສະພາແຫ່ງຊາດ (ພາບ: quochoi.vn)
      ຕອນເຊົ້າວັນທີ 12 ຕຸລາ, ຄະນະປະຈຳສະພາແຫ່ງຊາດ ຫວຽດນາມ ໄດ້ຈັດກອງປະຊຸມລັບ ເພື່ອປະກອບຄຳເຫັນໃສ່ບົດລາຍງານຂອງລັດຖະບານກ່ຽວກັບໝາກຜົນການປະຕິບັດແຜນການພັດທະນາເສດຖະກິດ - ສັງຄົມ ແລະ ແຜນງົບປະມານແຫ່ງລັດ ປີ 2021, ແຜນການພັດທະນາເສດຖະກິດ - ສັງຄົມ ປີ 2022; ແຜນງົບປະມານແຫ່ງລັດ ແລະ ແຜນການຈັດແບ່ງງົບປະມານສູນກາງປີ 2022. ເປົ້າໝາຍລວມ ເຊິ່ງຮ່າງແຜນການສ້າງໂຄງປະກອບພື້ນຖານເສດຖະກິດຄືນໃໝ່ ໄລຍະ 2021 – 2025 ແມ່ນການປ່ຽນແປງທີ່ເຫັນໄດ້ຢ່າງຈະແຈ້ງໃນຮູບແບບການເຕີບໂຕຕາມທິດ ອີງໃສ່ການເພີ່ມສະມັດຕະພາບ, ຄຸນນະພາບ, ກຳລັງແກ້ງແຍ້ງ. ພ້ອມດຽວກັນນັ້ນ, ກໍ່ຍົກສູງປະສິດທິຜົນການນຳໃຊ້ແຫຼ່ງກຳລັງ, ລັກສະນະເປັນເຈົ້າຕົນເອງ ແລະ ກຳລັງຮັບມືຂອງພື້ນຖານເສດຖະກິດ; ມຸ່ງໄປເຖິງພື້ນຖານເສດຖະກິດອີງໃສ່ວິທະຍາສາດ ແລະ ເຕັກໂນໂລຢີ, ປ່ຽນແປງໃໝ່ປະດິດຄິດສ້າງ, ຮັບປະກັນການພັດທະນາຢ່າງວ່ອງໄວ ແລະ ຍືນຍົງ ເທື່ອລະກ້າວ. ຈາກນັ້ນ, ຊຸກຍູ້ການຈັດແບ່ງ ແລະ ນຳໃຊ້ແຫຼ່ງກຳລັງສັງຄົມເຂົ້າໃນຂະແໜງການ, ຜະລິດຕະພັນຕ່າງໆທີ່ມີທ່າໄດ້ປຽບໃນການແກ້ງແຍ້ງ ແລະ ມີສະມັດຕະພາບສູງ.
(ແຫຼ່ງຄັດຈາກ VOV)