12/10/2021 10:16 GMT+7 Email Print Like 0

ຄະນະປະຈຳສະພາແຫ່ງຊາດປະກອບຄຳເຫັນໃສ່ບັນດາເນື້ອໃນກອງປະຊຸມສະໄໝສາມັນເທື່ອທີ 2, ສະພາແຫ່ງຊາດຊຸດທີ XV

      ທີ່ວາລະປະຊຸມຄັ້ງນີ້, ຄະນະປະຈຳສະພາແຫ່ງຊາດ ໄດ້ປະກອບຄຳເຫັນໃສ່ແຜນກກຳນົດສ້າງໂຄງປະກອບພື້ນຖານເສດຖະກິດໄລຍະ 2021 – 2025 ຄືນໃໝ່'
ທ່ານປະທານສະພາແຫ່ງຊາດ ເວືອງດິ່ງເຫວ້ ກ່າວຄຳເຫັນໄຂກອງປະຊຸມ
(ພາບ: TTXVN)
      ຕອນເຊົ້າວັນທີ 11 ຕຸລາ, ຢູ່ຮ່າໂນ້ຍ, ໄດ້ດຳເນີນວາລະປະຊຸມຄັ້ງທີ 4 ຂອງຄະນະປະຈຳສະພາແຫ່ງຊາດ. ກ່າວຄຳເຫັນໄຂວາລະປະຊຸມ, ທ່ານປະທານສະພາແຫ່ງຊາດຫວຽດນາມ ເວືອງດິ່ງເຫ້ວ ເນັ້ນໜັກວ່າ, ທີ່ວາລະປະຊຸມຄັ້ງນີ້, ຄະນະປະຈຳສະພາແຫ່ງຊາດ ໄດ້ປະກອບຄຳເຫັນໃສ່ແຜນກກຳນົດສ້າງໂຄງປະກອບພື້ນຖານເສດຖະກິດໄລຍະ 2021 – 2025 ຄືນໃໝ່; ວາງແຜນການນຳໃຊ້ທີ່ດິນຂອງລັດໄລຍະ 2021-2030, ວິໄສທັດຮອດປີ 2050 ແລະ ແຜນການນຳໃຊ້ທີ່ດິນໄລຍະ 5 ປີ (2021-2025).
        ຕໍ່ຈາກນັ້ນ, ພາຍໃຕ້ການບໍລິຫານຂອງທ່ານຮອງປະທານສະພາແຫ່ງຊາດ ເຈິ່ງກວາງເຟືອງ, ຄະນະປະຈຳສະພາແຫ່ງຊາດປະກອບຄຳເຫັນໃສ່ບັນດາບົດລາຍງານຄື: ສະຫຼຸບຄຳເຫັນ, ຂໍ້ສະເໜີແນະຂອງຜູ້ມີສິດເລືອກຕັ້ງ ແລະ ປະຊາຊົນທີ່ຝາກເຖິງກອງປະຊຸມສະໄໝສາມັນເທື່ອທີ 2, ສະພາແຫ່ງຊາດຊຸດທີ XV; ໝາກຜົນການຕິດຕາມກວດກາເລື່ອງແກ້ໄຂ, ຕອບຂໍ້ສະເໜີແນະຂອງຜູ້ມີສິດເລືອກຕັ້ງທີ່ຝາກເຖິງ ກອງປະຊຸມສະໄໝສາມັນເທື່ອທີ 11, ສະພາແຫ່ງຊາດຊຸດທີ XIV; ໝາກຜົນການຕ້ອນຮັບພົນລະເມືອງ, ຮັບແກ້ໄຂຈົດໝາຍຂອງພົນລະເມືອງ ແລະ ໝາກຜົນການຕິດຕາມກວດກາການແກ້ໄຂການຮ້ອງທຸກ, ຟ້ອງຮ້ອງຂອງພົນລະເມືອງໄດ້ຝາກເຖິງສະພາແຫ່ງຊາດປີ 2021.
(ແຫຼ່ງຄັດຈາກ VOV)