ຄະນະປະຈຳສະພາແຫ່ງຊາດ ຫວຽດນາມ ໄດ້ໄຂວາລະປະຊຸມເທື່ອທີ 5
(ພາບ: TTXVN)
ຕອນເຊົ້າວັນທີ 19/12, ຢູ່ຮ່າໂນ້ຍ, ຄະນະປະຈຳສະພາແຫ່ງຊາດ, ສະພາແຫ່ງຊາດຊຸດທີ 14 ໄດ້ໄຂວາລະປະຊຸມເທື່ອທີ 5. ກ່າວຄຳເຫັນໄຂວາລະປະຊຸມ, ທ່ານນາງປະທານສະພາແຫ່ງຊາດ ຫງວຽນທິກິມເງິນ ໃຫ້ຮູ້ວ່າ, ວາລະປະຊຸມເທື່ອທີ 5 ເລີ່ມແຕ່ວັນທີ 19 – 22/12; ສຸມໃສ່ເຂົ້າໃນບັນດາເນື້ອໃນສຳຄັນ. ໃນນັ້ນມີເລື່ອງປະກອບຄຳເຫັນກ່ຽວກັບການຕີລາຄາໝາກຜົນຂອງກອງປະຊຸມເທື່ອທີ 2 ແລະ ປະກອບຄຳເຫັນເບື້ອງຕົ້ນກ່ຽວກັບການກະກຽມໃຫ້ກອງປະຊຸມເທື່ອທີ 3 ສະພາແຫ່ງຊາດຊຸດທີ 14; ປະກອບຄຳເຫັນໃສ່ຮ່າງມະຕິຂອງຄະນະປະຈຳສະພາແຫ່ງຊາດກ່ຽວກັບຮູບການ ແລະ ເຕັກນິກສະເໜີເອກະສານນິຕິກຳຂອງສະພາແຫ່ງຊາດ, ຂອງຄະນະປະຈຳສະພາແຫ່ງຊາດ, ຂອງປະທານປະເທດ.
ພາຍຫຼັງກ່າວຄຳເຫັນໄຂວາລະປະຊຸມຂອງທ່ານນາງປະທານສະພາແຫ່ງຊາດ ຫງວຽນທິກິມເງິນ, ທ່ານຮອງປະທານສະພາແຫ່ງຊາດ ອວງຈູລິວ ໄດ້ຊີ້ນຳວາລະປະຊຸມໃນຕອນເຊົ້າວັນທີ 19/12. ຄະນະປະຈຳສະພາແຫ່ງຊາດໄດ້ຮັບຟັງໃບສະເໜີ; ບົດລາຍງານອະພິປາຍ, ປັບປຸງແຜນຮ່າງ; ບົດລາຍງານແຫ່ງການກວດກາໃບສະເໜີຂອງສານປະຊາຊົນສູງສຸດ.
ກ່າວຄຳເຫັນສະຫຼຸບວາລະປຶກສາຫາລື, ທ່ານຮອງປະທານສະພາແຫ່ງຊາດ ອວງຈູລິວ ເນັ້ນໜັກວ່າ, ອົງການຮັບຜິດຊອບການຮຽບຮຽງຂໍ້ກຳນົດກົດລະບຽບສົມທົບກັນຮັບເອົາຄຳເຫັນປະກອບໃນວາລະປະຊຸມ, ສືບຕໍ່ສ້າງສຳເນົາໃຫ້ສົມບູນແບບ, ຍືນສະເໜີຕໍ່ຄະນະປະຈຳສະພາແຫ່ງຊາດພິຈາລະນາ, ຕົກລົງ.
(ແຫຼ່ງຄັດຈາກ VOV)