31/03/2020 09:53 GMT+7 Email Print Like 0

ການເລືອກຕັ້ງຢູ່ ອາເມລິກາ 2020: ຜູ້ສະໝັກເລືອກຕັ້ງ Joe Biden ມີຄະແນນລືນກາຍປະທານາທິບໍດີ ອາເມລິກາ Donald Trump 9 ຄະແນນ

      ຕາມໝາກຜົນຂອງການຢັ່ງຫາງສຽງໂດຍຊ່ອງໂທລະພາບ Fox News ປະກາດໃນວັນທີ 29 ມີນາວ່າ, ທ່ານ Joe Biden ຜູ້ສະໝັກເລືອກຕັ້ງຂອງພັກປະຊາທິປະໄຕພວມມີຄະແນນລືນກາຍທ່ານ Donald Trump ປະທານາທິບໍດີອາເມລິກາ 9 ຄະແນນ. 

ທ່ານ Joe Biden ອະດີດຮອງປະທານາທິບໍອາເມລິກາ ແລະ ທ່ານ Donald Trump ປະທານາທິບໍດີອາເມລິກາ
(ພາບ: AFP/TTXVN)
      ໝາກຜົນຂອງການສຳຫຼວດໃຫ້ຮູ້ວ່າ ທ່ານ Joe Biden ອະດີດຮອງປະທານາທິບໍດີໄດ້ຮັບອັດຕາສະໜັບສະໜູນ 49% ຈາກບັນດາຜູ້ເຂົ້າຮ່ວມການຢັ່ງຫາງສຽງ, ໃນຂະນະນັ້ນ ທ່ານ Donald trump ປະທານາທິບໍດີອາເມລິກາ ໄດ້ຮັບອັດຕາສະໜັບສະໜູນແມ່ນ 40%. 11% ຈຳນວນຜູ້ຖືກຖາມໃຫ້ຮູ້ວ່າ ຍັງບໍ່ທັນຕັດສິນໃຈ ຫຼື ຈະປ່ອນບັດເລືອກຕັ້ງເອົາຜູ້ອື່ນ.
            ປັດຈຸບັນ ທ່ານ Joe Biden ພວມຊຸກຍູ້ຍຸດທະສາດຫາສຽງເລືອກຕັ້ງຂອງຕົນຢ່າງແຮງເມື່ອປະກາດແຜນການຊຸກຍູ້ການພັດທະນາເສດຖະກິດອາເມລິກາ, ເຊິ່ງພວມຖືກຜົນກະທົບທາງລົບຍ້ອນໂລກລະບາດ Covid – 19. ໃນຂະນະນັ້ນ, ທ່ານ Donald trump ໄດ້ລົງທາງອິນເຕີແນດເທບວິດີໂອກ່ຽວກັບຍຸດທະຍາດຫາສຽງເລືອກຕັ້ງຄືນໃໝ່ຂອງຕົນ, ໃນນັ້ນໄດ້ຍົກໃຫ້ເຫັນຢ່າງຈະແຈ້ງບັນດາມາດຕະການຮັບມືຂອງອຳນາດການປົກຄອງທີ່ມີຕໍ່ກັບໂລກລະບາດ Covid – 19, ພ້ອມທັງຍ້ອງຍໍຊົມເຊີຍປະຊາຊົນອາເມລິກາ ທີ່ມີຄວາມສາມັກຄີກັນໃນການສະກັດກັ້ນໂລກລະບາດ.
 (ແຫຼ່ງຄັດຈາກ VOV)