ຫວຽດນາມ ສະໜັບສະໜູນ ສິງກະໂປ ເຮັດສຳເລັດຜົນໃນການຮັບຜິດຊອບບົດບາດເປັນປະທານ ອາຊຽນ 2018 ຢ່າງສຳເລັດຜົນ         ທີ່ການພົບປະກັບລັດຖະມົນຕີການຕ່າງປະເທດ ສິງກະໂປ, ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ຟ້າມບີ່ງມິງ ຢັ້ງຢືນວ່າ: ຫວຽດນາມ ສະໜັບສະໜູນ ສິງກະໂປ ເຮັດສຳເລັດຜົນໃນການຮັບຜິດຊອບບົດບາດເປັນປະທານ ອາຊຽນ 2018 ຢ່າງສຳເລັດຜົນ ແລະ ເຫັນດີເປັນເອກະພາບຢ່າງສູງດ້ວຍຫົວຂໍ້ສ້າງ ອາຊຽນ ເຂັ້ມແຂງດ້ວຍຕົນເອງ ແລະ ມີຫົວຄິດປະດິດສ້າງໂດຍການສະເໜີຂອງ ສິງກະໂປ. ລັດຖະມົນຕີ 2 ທ່ານລ້ວນແຕ່ເນັ້ນໜັກຄວາມຈຳເປັນຕ້ອງບຸລິມະສິດສ້າງ ອາຊຽນ ສາມັກຄີ, ເປັນເອກະພາບ ແລະ ສ້າງຕັ້ງໂຄງປະກອບພາກພື້ນເຄື່ອນໄຫວໂດຍອີງໃສ່ລະບຽບກົດໝາຍ. ລັດຖະມົນຕີ 2 ທ່ານເຫັນດີເປັນເອກະພາບວ່າ ອາຊຽນ ຄວນຊຸກຍູ້ການເຈລະຈາແທດຈິງກ່ຽວກັບກົດແຫ່ງການປະພຶດຂອງບັນດາຝ່າຍຢູ່ທະເລຕາເວັນອອກ (COC).    
        ກ່ຽວກັບການຮ່ວມມືປ້ອງກັນຊາດ - ປ້ອງກັນຄວາມສະຫງົບ, ລັດຖະມົນຕີ 2 ທ່ານໄດ້ແລກປ່ຽນກ່ຽວກັບການສົມທົບກັນໃນພາກຕົວຈິງລະຫວ່າງບັນດາກຳລັງປະກອບອາວຸດຄື ການລາດຕາເວນບົນທະເລຕ້ານໂຈນສະລັດ, ຊອກຫາກູ້ໄພກູ້ຊີບ, ການຢ້ຽມຢາມແລກປ່ຽນຕໍ່ກຳລັງທະຫານເຮືອ, ສ້ອມແປງ ແລະ ກູ້ໄພກູ້ຊີບກ່ຳປັ່ນດຳນ້ຳ; ສົມທົບກັນ, ເປັນເຈົ້າການໃນການຕໍ່ສູ້ກັບບັນດາໄພອັນຕະລາຍຂອງຄວາມໝັ້ນຄົງທີ່ບໍ່ເຄີຍມີມາຄືລັດທິກໍ່ການຮ້າຍ, ຄວາມປອດໄພທາງອິນເຕີເນັດ.
        ທີ່ການພົບປະກັບທ່ານລັດຖະມົນຕີການຕ່າງປະເທດ ມາເລເຊຍ Dato’Sri Anifag Aman, ທ່ານຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ຟ້າມບີ່ງມິງ ໄດ້ສະເໜີບັນດາການເຄື່ອນໄຫວທີ່ຈຳເປັນເພື່ອຜັນຂະຫຍາຍຈັດຕັ້ງພິທີສະເຫຼີມສະຫຼອງ 45 ປີແຫ່ງວັນສ້າງຕັ້ງການພົວພັນທາງການທູດ ຫວຽດນາມ - ມາເລເຊຍ ໃນປີນີ້. ທ່ານ Dato’Sri Anifag Aman ໃຫ້ຄຳໝັ້ນສັນຍາເພີ່ມທະວີການຮ່ວມມືເສດຖະກິດ, ການຄ້າ, ການລົງທຶນກັບ ຫວຽດນາມ; ສ້າງເງື່ອນໄຂໃຫ້ບັນດາວິສາຫະກິດ ຫວຽດນາມ ສຳຜັດກັບຕະຫຼາດ ມາເລເຊຍ, ພິເສດໃນຂົງເຂດຜະລິດ ແລະ ປຸງແຕ່ງສະບຽງອາຫານໃຫ້ຊາວມຸດສະລິມ…
        ລັດຖະມົນຕີ 2 ທ່ານເນັ້ນໜັກຄວາມສຳຄັນຂອງການຮັກສາສັນຕິພາບ, ສະຖຽນລະພາບ, ຄວາມໝັ້ນຄົງ, ຄວາມໝັ້ນຄົງປອດໄພໃນການເດີນທະເລ ແລະ ການບິນຢູ່ທະເລຕາເວັນອອກ; ເຫັນດີໃຫ້ ອາຊຽນ ຄວນສົມທົບກັນຢ່າງແໜ້ນແຟ້ນ ເພື່ອພ້ອມກັບ ຈີນ ສ້າງກົດແຫ່ງການປະພຶດຢູ່ທະເລຕາເວັນອອກ (COC) ມີຄຸນນະພາບ ແລະ ໄດ້ໝູນໃຊ້ຢ່າງມີປະສິດທິຜົນໃນສະພາບການຕົວຈິງ.