17/10/2020 09:59 GMT+7 Email Print Like 0

ການຮ່ວມມືທາງການຄ້າ ຫວຽດນາມ - ສະຫະພັນ ລັດເຊຍໃນສະພາບການເກີດໂລກລະບາດ Covid – 19`

      ທ່ານ ເລຮ່ວາງຕ່າຍ, ຮອງຫົວໜ້າກົມສົ່ງເສີມການຄ້າ, ກະຊວງອຸດສາຫະກຳ ແລະ ການຄ້າ ຫວຽດນາມ ຢັ້ງຢືນວ່າ ຍາມໃດ ກະຊວງອຸດສາຫະກຳ ແລະ ການຄ້າ ຫວຽດນາມ ກໍ່ພ້ອມແລ້ວທີ່ຈະໜູນຊ່ວຍ ແລະ ສ້າງເງື່ອນໄຂສະດວກໃຫ້ແກ່ບັນດາວິສາຫະກິດສະຫະພັນ ລັດເຊຍໃນການຊອກຫາກາລະໂອກາດທຳມາຫາກິນຢູ່ ຫວຽດນາມ.
ກອງປະຊຸມສຳມະນາທາງອອນລາຍ “ຍູ້ແຮງການຮ່ວມມືດ້ານການຄ້າ ລະຫວ່າງ ຫວຽດນາມ - ສະຫະພັນ ລັດເຊຍ”
      ວັນທີ 15 ຕຸລາ, ກົມສົ່ງເສີມການຄ້າ “ກະຊວງອຸດສາຫະກຳ ການຄ້າ ຫວຽດນາມ” ໄດ້ສົມທົບກັບສະຖານທູດ ສະຫະພັນ ລັດເຊຍປະຈຳ ຫວຽດນາມ, ຫ້ອງການການຄ້າ ຫວຽດນາມ ປະຈຳ ສະຫະພັນ ລັດເຊຍ, ຫ້ອງການການຄ້າ ແລະ ອຸດສາຫະກຳ Saint Petersburg ແລະ ບັນດາອົງການທີ່ກ່ຽວຂ້ອງຈັດຕັ້ງກອງປະຊຸມສຳມະນາທາງອອນລາຍ “ຍູ້ແຮງການຮ່ວມມືດ້ານການຄ້າ ລະຫວ່າງ ຫວຽດນາມ - ສະຫະພັນ ລັດເຊຍ”, ໂດຍມີການເຂົ້າຮ່ວມຂອງ ຜູ້ຕາງໜ້າວິສາຫະກິດສອງປະເທດເປັນຈຳນວນຫຼວງຫຼາຍ. ທ່ານ ເລຮ່ວາງຕ່າຍ, ຮອງຫົວໜ້າກົມສົ່ງເສີມການຄ້າ, ກະຊວງອຸດສາຫະກຳ ແລະ ການຄ້າ ຫວຽດນາມ ຢັ້ງຢືນວ່າ ຍາມໃດ ກະຊວງອຸດສາຫະກຳ ແລະ ການຄ້າ ຫວຽດນາມ ກໍ່ພ້ອມແລ້ວທີ່ຈະໜູນຊ່ວຍ ແລະ ສ້າງເງື່ອນໄຂສະດວກໃຫ້ແກ່ບັນດາວິສາຫະກິດສະຫະພັນ ລັດເຊຍໃນການຊອກຫາກາລະໂອກາດທຳມາຫາກິນຢູ່ ຫວຽດນາມ.
        ແລະກໍ່ໃນກອງປະຊຸມສຳມະນາ, ບັນດາຜູ້ແທນຝ່າຍລັດເຊຍໄດ້ຕີລາວ່າ ຫວຽດນາມ ແມ່ນຄູ່ຮ່ວມມືທີ່ໄວ້ເນື້ອເຊື່ອໃຈ. ປັດຈຸບັນ ມີວິສາຫະກິດລັດເຊຍຫຼາຍແຫ່ງມີຄວາມສົນໃຈຕໍ່ສິນຄ້າ ຂອງຫວຽດນາມ. ການນຳສອງປະເທດລ້ວນແຕ່ຢັ້ງຢືນວ່າ ພ້ອມແລ້ວທີ່ຈະສ້າງເງື່ອນໄຂເພື່ອໃຫ້ບັນດາວິສາຫະກິດຊອກຫາກາລະໂອກາດດຳເນີນທຸລະກິດ, ລົງທຶນຢູ່ຕະຫຼາດຂອງກັນ. 
(ແຫຼ່ງຄັດຈາກ VOV)