14/04/2020 22:03 GMT+7 Email Print Like 0

ການນໍາບັນດາປະເທດ ອາຊຽນ ສະໜັບສະໜູນຂໍ້ລິເລີ່ມ ຂອງຫວຽດນາມ ກ່ຽວກັບການຮັບມືກັບໂລກລະບາດໂຄວິດ - 19

      ບັນດາການນໍາ ອາຊຽນ ໄດ້ຮັບຮອງເອົາຖະແຫຼງການ ຂອງກອງປະຊຸມສຸດຍອດ ພິເສດ ອາຊຽນ ກ່ຽວກັບການຮັບມືກັບໂລກລະບາດໂຄວິດ - 19.

ທ່ານນາຍົກລັດຖະມົນຕີຫວຽດນາມ ຫງວຽນຊວັນຟຸກ ເປັນປະທານກອງປະຊຸມ
      ທີ່ກອງປະຊຸມສຸດຍອດພິເສດ ອາຊຽນ ກ່ຽວກັບການຮັບມືກັບໂລກລະບາດໂຄວິດ - 19 ຖືກຈັດຂຶ້ນໃນຕອນເຊົ້າວັນທີ 14 ເມສາ, ການນໍາບັນດາປະເທດ ອາຊຽນ ໄດ້ຢັ້ງຢືນວ່າ ບຸລິມະສິດແຖວໜ້າຂອງ ອາຊຽນ ໃນປັດຈຸບັນ ແມ່ນຄວບຄຸມ ແລະ ສະກັດກັ້ນການແຜ່ລະບາດຂອງໂລກລະບາດ, ໂດຍສະເພາະແມ່ນການແຜ່ລະບາດຂ້າມຊາຍແດນ. ພ້ອມທັງຖືວ່າ ອາຊຽນ ຕ້ອງເອົາໃຈໃສ່ເຖິງການຜັນຂະຫຍາຍບັນດາມາດຕະການຫຼຸດຜ່ອນຜົນກະທົບເຖິງເສດຖະກິດ - ສັງຄົມ ຈາກໂລກລະບາດໂຄວິດ - 19. ນະທີ່ນີ້, ການນໍາບັນດາປະເທດ ອາຊຽນ ກໍໄດ້ປຶກສາຫາລືກ່ຽວກັບການສ້າງແຜນຟື້ນຟູເສດຖະກິດ ພາຍຫຼັງໂລກລະບາດສິ້ນສຸດລົງ. ກ່າວຄໍາເຫັນທີ່ກອງປະຊຸມ, ທ່ານນາຍົກລັດຖະມົນຕີຫວຽດນາມ ຫງວຽນຊວັນຟຸກ ຊົມເຊີຍບັນດາປະເທດທີ່ໄດ້ສະໜັບສະໜູນບັນດາຂໍ້ສະເໜີຂອງຫວຽດນາມ ເປັນຕົ້ນແມ່ນ ສ້າງກອງທຶນຮ່ວມມືຮັບມືກັບໂລກລະບາດໂຄວິດ - 19 ຂອງ ອາຊຽນ, ສ້າງສາງສະສົມອຸປະກອນການແພດ ເພື່ອຕອບສະໜອງຄວາມຕ້ອງການທີ່ຮີບດ່ວນ ເມື່ອເກີດໂລກລະບາດ, ຈັດຕັ້ງການເຝິກຊ້ອບກ່ຽວກັບການຮັບມືກັບໂລກລະບາດ, ສ້າງແຜນການຮັບມືລວມໂດຍດ່ວນຂອງ ອາຊຽນ ເມື່ອເກີດໂລກລະບາດ, ສ້າງຕັ້ງກຸ່ມປະຕິບັດງານພິເສດຂອງບັນດາເຈົ້າໜ້າທີ່ອາວຸໂສດ້ານຂໍ້ມູນຂ່າວສານອາຊຽນ ກ່ຽວກັບການຕ້ານຂ່າວປ່ອມ, ຂ່າວບໍ່ມີມູນຄວາມຈິງ...
ສິ້ນສຸດກອງປະຊຸມ, ບັນດາການນໍາ ອາຊຽນ ໄດ້ຮັບຮອງເອົາຖະແຫຼງການ ຂອງກອງປະຊຸມສຸດຍອດ ພິເສດ ອາຊຽນ ກ່ຽວກັບການຮັບມືກັບໂລກລະບາດໂຄວິດ - 19.
 (ແຫຼ່ງຄັດຈາກ VOV)