ທ່ານນາງປະທານສະພາແຫ່ງຊາດຫວຽດນາມ ຫງວຽນທິກິມເງິນ ໄປຢ້ຽມຢາມ ແລະ ອວຍພອນຢູ່ສຳນັກສັງຄະລາດໃຫຍ່ເຫ້ວ
(ພາບ: VGP)
ເນື່ອງໃນໂອກາດປີໃໝ່ສາກົນ 2021 ແລະ ວັນບຸນຄຼິດສະມາດ, ຕອນເຊົ້າວັນທີ 22 ທັນວາ, ທ່ານນາງປະທານສະພາແຫ່ງຊາດຫວຽດນາມ ຫງວຽນທິກິມເງິນ ແລະ ຄະນະປະຕິບັດງານຂອງສະພາແຫ່ງຊາດໄດ້ໄປຢ້ຽມຢາມ ແລະ ອວຍພອນຢູ່ສຳນັກສັງຄະລາດໃຫຍ່ເຫ້ວ. ທ່ານນາງປະທານສະພາແຫ່ງຊາດ ຫງວຽນທິກິມເງິນ ໄດ້ຕີລາຄາສູງຄວາມສາມັກຄີ, ຄວາມເຫັນດີເຫັນພ້ອມຂອງບັນດາອົງການຈັດຕັ້ງສາສະໜາ; ປະຕິບັດບັນດາການກະທຳອັນສູງສົ່ງ, ສະໜັບສະໜູນປະຊາຊົນຢູ່ເຂດພາກກາງ ທີ່ເຄາະຮ້າຍຈາກໄພສຳມະຊາດ, ນ້ຳຖ້ວມ. ທ່ານນາງປະທານສະແຫ່ງຊາດ ຫງວຽນທິກິມເງິນ, ກ່າວວ່າ.
“ໃນສະພາບທີ່ປະສົບກັບຄວາມຫຍຸ້ງຍາກນັ້ນ, ພວກຂ້າພະເຈົ້າໄດ້ຕີລາຄາສູງຄວາມສາມັກຄີ, ຮ່ວມແຮງຮ່ວມໃຈຂອງປະຊາຊົນ, ໃນນັ້ນມີບົດບາດຂອງບັນດາອົງການຈັດຕັ້ງສາສະໜາ, ພິເສດແມ່ນສະມາຄົມຄຼິດທະສາສະໜາ ແລະ ພໍ່ແມ່ຊາວຄຼິດຢູ່ແຂວງ ເທື່ອທຽນ-ເຫ້ວ ເວົ້າສະເພາະ ແລະ ທົ່ວປະເທດເວົ້າລວມ ທີ່ໄດ້ມີການສະໜັບສະໜູນ. ຜ່ານບັນດາສັງຄະນາຍົກ, ຄຸນພໍ່, ພ້ອມກັບຊາວຄຼິດ ໄດ້ສະໜັບສະໜູນບັນດາແຜນນະໂຍບາຍ, ນະໂຍບາຍຂອງພັກ, ລັດໃນການສ້າງສາ ແລະ ປົກປັກຮັກສາປະເທດຊາດ.”ແລະກໍ່ໃນວັນດຽວກັນ, ທ່ານຮອງນາຍົກລັດຖະມົນຕີຜູ້ປະຈຳການລັດຖະບານ ເຈືອງຮ່ວາບິ່ງ ໄດ້ໄປຢ້ຽມຢາມ ແລະ ອວຍພອນຢູ່ສຳນັກສັງຄະລາດໃຫຍ່ ດ່າລາດ ແລະ ສະມາຄົມສາສະໜາໂປແຕັກຕັງຫວຽດນາມ (ທາງພາກໃຕ້) ຢູ່ແຂວງ ເລິມດົ່ງ ເຊັ່ນດຽວກັນ.
(ແຫຼ່ງຄັດຈາກ VOV)
