29/10/2021 11:43 GMT+7 Email Print Like 0

ການນຳຂັ້ນສູງ ອາຊີຕາເວັນອອກ ອອກຖະແຫຼງການກ່ຽວກັບການຟື້ນຟູແບບຍືນຍົງ

      EAS ຖະແຫຼງວ່າ ຈະສະໜັບສະໜູນຄວາມມານະພະຍາຍາມຕ່າງໆຂອງ ອາຊຽນ ໃນການຜັນຂະຫຍາຍ ກອບຟື້ນຟູຮອບດ້ານ ອາຊຽນ (ACRF) ແລະ ແຜນການປະຕິບັດ; ສະໜັບສະໜູນ ອາຊຽນ ຊຸກຍູ້ການຮ່ວມມືທາງດ້ານເສດຖະກິດກັບປະເທດຄູ່ຮ່ວມມື, ຄູ່ເຈລະຈາ ໂດຍຜ່ານໂຄງປະກອບຂອງພາກພື້ນ ຖື ອາຊຽນ ເປັນໃຈກາງ.
ທ່ານນາຍົກລັດຖະມົນຕີ  Ismail Sabri Yaakob ແລະ ຄະນະຜູ້ແທນຂັ້ນສູງ ມາເລເຊຍ ເຂົ້າຮ່ວມກອງປະຊຸມ  EAS ຄັ້ງທີ 16.(ພາບ: TTXVN)
      ວັນທີ 27 ຕຸລາ, ກອງປະຊຸມສຸດຍອດ ອາຊີຕາເວັນອອກ (EAS) ຄັ້ງທີ 16 ໄດ້ອອກຖະແຫຼງການກ່ຽວກັບການຟື້ນຟູແບບຍືນຍົງ, ໃນນັ້ນ ໄດ້ໃຫ້ຄຳໝັ້ນສັນຍາຕ້ານການກະທົບຕ່າງໆຈາກໂລກລະບາດໂຄວິດ - 19 ໂດຍຜ່ານຄວາມມານະພະຍາຍາມທີ່ເປີດອົກເປີດໃຈ, ເຊື່ອມຕົວ, ບໍ່ມີການຈຳແນກການປະພຶດ ແລະ ໂປ່ງໃສ, ຍົກສູງລັດທິຫຼາຍຝ່າຍ ແລະ ເພີ່ມທະວີການຮ່ວມມືສາກົນ ກໍຄື ກັບຝ່າຍຕ່າງໆທີ່ກ່ຽວຂ້ອງ.
        EAS ຖະແຫຼງວ່າ ຈະສະໜັບສະໜູນຄວາມມານະພະຍາຍາມຕ່າງໆຂອງ ອາຊຽນ ໃນການຜັນຂະຫຍາຍ ກອບຟື້ນຟູຮອບດ້ານ ອາຊຽນ (ACRF) ແລະ ແຜນການປະຕິບັດ; ສະໜັບສະໜູນ ອາຊຽນ ຊຸກຍູ້ການຮ່ວມມືທາງດ້ານເສດຖະກິດກັບປະເທດຄູ່ຮ່ວມມື, ຄູ່ເຈລະຈາ ໂດຍຜ່ານໂຄງປະກອບຂອງພາກພື້ນ ຖື ອາຊຽນ ເປັນໃຈກາງ.
        EAS ໃຫ້ຄຳໝັ້ນສັນຍາເພີ່ມທະວີການເຊື່ອມຕໍ່ພື້ນຖານໂຄງລ່າງພະລັງງານ ດ້ວຍລາຄາທີ່ເໝາະສົມ, ໜ້າໄວ້ເນື້ອເຊື່ອໃຈ, ຍືນຍົງ, ທັນສະໄໝ ແລະ ເພີ່ມທະວີການຮ່ວມມືໃນຮູບແບບທີ່ມີການປ່ອຍອາຍພິດຢູ່ລະດັບຕ່ຳ, ຄວາມຄິດສ້າງສັນໃໝ່, ກໍຄື ກ່ຽວກັບເຕັກໂນໂລຢີພະລັງງານສະອາດ, ມີປະສິດທິຜົນ ແລະ ຜະລິດຄືນໃໝ່, ແນໃສ່ບັນລຸເປົ້າໝາຍ ພັດທະນາແບບຍືນຍົງເລກທີ 7, ສອດຄ່ອງກັບເປົ້າໝາຍຂອງຂໍ້ຕົກລົງ ປາຣີ.
        EAS ກໍເຫັນດີເປັນເອກະພາບ ເພີ່ມທະວີການຮ່ວມມືກ່ຽວກັບຄວາມໝັ້ນຄົງດ້ານພະລັງງານ ແລະ ການພັດທະນາແບບຍືນຍົງ.
(ແຫຼ່ງຄັດຈາກ VOV)