ກະຊວງຕຳຫຼວດ ຫວຽດນາມ ຈັດຕັ້ງກອງປະຊຸມທາງອອນລາຍກ່ຽວກັບການສະກັດກັ້ນ, ຕ້ານໂລກລະບາດ Covid-19
ທ່ານພົນເອກ ໂຕເລິມ ລັດຖະມົນຕີກະຊວງຕຳຫຼວດ ຫວຽດນາມ ໄດ້ສະເໜີໃຫ້ອົງຄະນະພັກ, ການນຳກຳລັງຕຳຫຼວດທຸກຂັ້ນຕ້ອງສະແດງໃຫ້ເຫັນຢ່າງຈະແຈ້ງກ່ຽວກັບບົດບາດຕັ້ງໜ້າໃນການເປັນເສນາທິການໃຫ້ອົງຄະນະພັກ, ອຳນາດການປົກຄອງ, ຄະນະຊີ້ນຳການສະກັດກັ້ນ, ຕ້ານໂລກລະບາດຢູ່ທ້ອງຖິ່ນ ແລະ ເປັນເຈົ້າການສົມທົບ, ແລກປ່ຽນສະພາບການກັບບັນດາກຳລັງສາທາລະນະສຸກ ແລະ ກອງທັບທີ່ເຂົ້າຮ່ວມວຽກງານສະກັດກັ້ນ, ຕ້ານໂລກລະບາດເພື່ອຜັນຂະຫຍາຍຢ່າງຄົບຊຸດບັນດາມາດຕະການທີ່ເໝາະສົມເພື່ອຮັບມືກັບສະພາວະການ.
ທ່ານພົນເອກ ໂຕເລິມ ລັດຖະມົນຕີກະຊວງຕຳຫຼວດ ຫວຽດນາມ ກ່າວຄຳເຫັນທີ່ກອງປະຊຸມ
(ພາບ: TTXVN)
ຢູ່ທີ່ກອງປະຊຸມທາງອອນລາຍຂອງກະຊວງຕຳຫຼວດ ຫວຽດນາມ ກ່ຽວກັບການສະກັດກັ້ນ, ຕ້ານໂລກລະບາດ Covid-19, ເຊິ່ງໄດ້ດຳເນີນໃນຕອນບ່າຍວັນທີ 10 ມີນາຢູ່ຮ່າໂນ້ຍ, ທ່ານພົນເອກ ໂຕເລິມ ລັດຖະມົນຕີກະຊວງຕຳຫຼວດ ຫວຽດນາມ ໄດ້ສະເໜີໃຫ້ອົງຄະນະພັກ, ການນຳກຳລັງຕຳຫຼວດທຸກຂັ້ນຕ້ອງສະແດງໃຫ້ເຫັນຢ່າງຈະແຈ້ງກ່ຽວກັບບົດບາດຕັ້ງໜ້າໃນການເປັນເສນາທິການໃຫ້ອົງຄະນະພັກ, ອຳນາດການປົກຄອງ, ຄະນະຊີ້ນຳການສະກັດກັ້ນ, ຕ້ານໂລກລະບາດຢູ່ທ້ອງຖິ່ນ ແລະ ເປັນເຈົ້າການສົມທົບ, ແລກປ່ຽນສະພາບການກັບບັນດາກຳລັງສາທາລະນະສຸກ ແລະ ກອງທັບທີ່ເຂົ້າຮ່ວມວຽກງານສະກັດກັ້ນ, ຕ້ານໂລກລະບາດເພື່ອຜັນຂະຫຍາຍຢ່າງຄົບຊຸດບັນດາມາດຕະການທີ່ເໝາະສົມເພື່ອຮັບມືກັບສະພາວະການ, ກໍລະນີຕ່າງໆ; ນັບທັງໃນກໍລະນີບັງເອີນ ແລະ ຮ້າຍແຮງທີ່ສຸດ. ພ້ອມກັນນັ້ນກໍ່ຮຽກຮ້ອງໃຫ້ເປົ້າໝາຍວຽກງານ ສະກັດກັ້ນ, ຕ້ານໂລກລະບາດແມ່ນຮັບປະກັນຄວາມປອດໄຟຢ່າງເດັດຂາດ, ບໍ່ປະໃຫ້ບັນດາພະນັກງານນັກຮົບຖືກຕິດແປດ. ຫົວໜ້າກົມກອງຕ້ອງຮຽກຮ້ອງນັກຮົບແຕ່ລະຄົນຍົກສູງຄວາມຮູ້ທາງດ້ານການແພດກ່ຽວກັບການສະກັດກັ້ນ, ຕ້ານໂລກລະບາດ, ຍົກສູງສະຕິການປ້ອງກັນຕົນເອງ, ຄອບຄົວ ແລະ ປ້ອງກັນວົງຄະນະຍາດ; ສຳເລັດການແຈ້ງອາການສຸຂະພາບໃນເວລາກຳນົດໄວທີ່ສຸດ… ພ້ອມກັນນັັ້ນ, ກໍ່ເພີ່ມທະວີການຄຸ້ມຄອງຄົນຕ່າງປະເທດ; ເພີ່ມທະວີການຄຸ້ມຄອງບໍລິເວນເພື່ອເປັນເຈົ້າການສົມທົບກັບອົງການທີ່ມີໜ້າທີ່ຈັດຕັ້ງປະຕິບັດບັນດາຫຼັກການຂອງການສະກັດກັ້ນໂລກລະບາດ.
(ແຫຼ່ງຄັດຈາກ VOV)