ກອງທັບ ຫວຽດນາມ ແລະ ລາວ ເພີ່ມທະວີການຮ່ວມມືປ້ອງກັນການເມືອງພາຍໃນ
ວັນທີ 13 ສິງຫາ, ຢູ່ສຳນັກງານກະຊວງປ້ອງກັນປະເທດ, ທ່ານ ພົນຕີ ເຈິ່ນກວາງເຟືອງ, ຮອງຫົວໜ້າກົມໃຫຍ່ການເມືອງກອງທັບປະຊາຊົນ ຫວຽດນາມ, ໄດ້ໃຫ້ການຕ້ອນຮັບທ່ານພົນຈັດຕະວາ ບຸນລ້ຽງ ແສງພະຈັນ, ຫົວໜ້າກົມປ້ອງກັນພາຍໃນ, ກົມໃຫຍ່ການເມືອງກອງທັບປະຊາຊົນ ລາວ, ເນື່ອງໃນໂອກາດມາຢ້ຽມຢາມ ແລະ ເຮັດວຽກຢູ່ ຫວຽດນາມ.
ທ່ານ ພົນຕີ ເຈິ່ນກວາງເຟືອງ, ຮອງຫົວໜ້າກົມໃຫຍ່ການເມືອງກອງທັບປະຊາຊົນ ຫວຽດນາມ ແລະທ່ານພົນຈັດຕະວາ ບຸນລ້ຽງ ແສງພະຈັນ, ຫົວໜ້າກົມປ້ອງກັນພາຍໃນ, ກົມໃຫຍ່ການເມືອງກອງທັບປະຊາຊົນ ລາວ (ພາບ: TTXVN)
ນະທີ່ນີ້, ທ່ານ ພົນຕີ ເຈິ່ນກວາງເຟືອງ ໄດ້ສະເໜີໃຫ້ບັນດາກົມກອງຂຶ້ນກັບກະຊວງປ້ອງກັນປະເທດ ຫວຽດນາມ ແລະ ກົມປ້ອງກັນພາຍໃນ, ກົມໃຫຍ່ການເມືອງກອງທັບປະຊາຊົນລາວ ຈົ່ງເພີ່ມທະວີການແລກປ່ຽນຄະນະຜູ້ແທນ, ແລກປ່ຽນຂໍ້ມູນຂ່າວສານເພື່ອແນໃສ່ຍົກສູງປະສິດທິຜົນຂອງວຽກງານເສນາທິການ, ສະເໜີກັບການນຳກະຊວງປ້ອງກັນປະເທດ, ກົມໃຫຍ່ການເມືອງກອງທັບປະຊາຊົນ ສອງປະເທດເພື່ອປ້ອງກັນ, ຄົ້ນພົບ, ຕໍ່ສູ້, ສະກັດກັ້ນຕໍ່ບັນດາກົນອຸບາຍ,ເລ່ລ່ຽມ, ການເຄື່ອນໄຫວມ້າງເພທຳລາຍພາຍໃນຂອງບັນດາອິດທິກໍາລັງເປັນ ປໍລະປັກຢ່າງມີປະສິດທິຜົນ. ທ່ານພົນຕີ ເຈິ່ນກວາງເຟືອງ ໄດ້ຢັ້ງຢືນວ່າ ການນຳກົມໃຫຍ່ການເມືອງກອງທັບປະຊາຊົນ ຫວຽດນາມ ຍາມໃດກໍ່ສະໜັບສະໜູນ ແລະ ສ້າງເງື່ອນໄຂສະດວກເພື່ອໃຫ້ບັນດາອົງການເພີ່ມທະວີການຮ່ວມມື, ປະຕິບັດສຳເລັດໜ້າທີ່ວຽກງານຂອງແຕ່ລະຝ່າຍໃຫ້ເປັນຢ່າງດີ, ຜ່ານນ້ັນປະກອບສ່ວນເຮັດໃຫ້ການພົວພັນອັນດີງາມລະຫວ່າງສອງປະເທດ, ສອງກອງທັບເລິກເຊິ່ງກ່ວາອີກ.
(ແຫຼ່ງຄັດຈາກ VOV)