30/01/2021 07:43 GMT+7 Email Print Like 0

ກອງປະຊຸມໃຫຍ່ຈະເລືອກເອົາພະນັກງານດີເດັ່ນເພື່ອນຳພາປະເທດຊາດ

ກອງປະຊຸມໃຫຍ່ສືບຕໍ່ພິຈາລະນາກ່ຽວກັບວຽກງານບຸກຄະລາກອນຄະນະບໍລິຫານງານສູນກາງພັກຊຸດທີ 13.
ກອງປະຊຸມໃຫຍ່ໄດ້ປຶກສາຫາລື ແລະ ລົງມະຕິຮັບຮອງເອົາຈຳນວນກຳມະການສູນກາງພັກຊຸດທີ 13 ລວມ 200 ທ່ານ. (ພາບປະກອບ: TTXVN)

ວັນທີ 29 ມັງກອນ, ກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 13 ຂອງພັກກອມມູນິດຫວຽດນາມ ກ້າວເຂົ້າສູ່ມື້ເຮັດວຽກທີ 4. ກອງປະຊຸມໃຫຍ່ສືບຕໍ່ພິຈາລະນາກ່ຽວກັບວຽກງານບຸກຄະລາກອນຄະນະບໍລິຫານງານສູນກາງພັກຊຸດທີ 13.

        ກ່ອນໜ້ານັ້ນ, ທີ່ກອງປະຊຸມໃນຕອນບ່າຍວັນທີ 28 ມັງກອນ, ກອງປະຊຸມໃຫຍ່ໄດ້ເຮັດວຽກຢູ່ຫໍປະຊຸມກ່ຽວກັບວຽກງານບຸກຄະລາກອນຄະນະບໍລິຫານງານສູນກາງພັກຊຸດທີ 13. ທ່ານ ຟ້າມມິງຈິ໊ງ, ຫົວໜ້າຄະນະຈັດຕັ້ງສູນກາງ ໄດ້ຕາງໜ້າຄະນະປະທານອ່ານບົດລາຍງານຂອງຄະນະບໍລິຫານງານສູນກາງພັກຊຸດທີ 12 ກ່ຽວກັບວຽກງານບຸກຄະລາກອນຄະນະບໍລິຫານງານສູນກາງພັກຊຸດທີ 13. ກອງປະຊຸມໃຫຍ່ໄດ້ປຶກສາຫາລື ແລະ ລົງມະຕິຮັບຮອງເອົາຈຳນວນກຳມະການສູນກາງພັກຊຸດທີ 13 ລວມ 200 ທ່ານ, ລວມມີກຳມະການສູນກາງພັກທາງການ 180 ທ່ານ ແລະ ກຳມະການສູນກາງພັກສຳຮອງ 20 ທ່ານ. ຫຼັງຈາກນັ້ນ, ບັນດາຜູ້ແທນໄດ້ປຶກສາຫາລືຢູ່ຄະນະກ່ຽວກັບເນື້ອໃນດັ່ງກ່າວ.

        ກ່ຽວຂ້ອງເຖິງວຽກງານປຸກຄະລາກອນຂອງກອງປະຊຸມໃຫຍ່ຄັ້ງທີ 13 ຂອງພັກ, ທ່ານ ໂຮ່ວັນມຶ່ງ, ຫົວໜ້າຄະນະໂຄສະນາສຶກສາສູນກາງພັກແຂວງ ແຄ໊ງຮ່ວາ, ໃຫ້ຮູ້ວ່າ.

        “ບຸກຄະລາກອນທີ່ສະເໜີແມ່ນບັນດາຜູ້ແທນດີເດັ່ນ ແລະ ກອງປະຊຸມໃຫຍ່ຈະເລືອກເອົາບັນດາຜູ້ແທນດີເດັ່ນທີ່ສຸດເພື່ອເຂົ້າໃນຄະນະບໍລິຫານງານສູນກາງພັກ. ຂ້າພະເຈົ້າມີຄວາມເຊື່ອໝັ້ນ ແລະ ຫວັງວ່າ ກອງປະຊຸມໃຫຍ່ຈະເລືອກເອົາບັນດາປຸກຄະລາກອນດີເດັ່ນເພື່ອນຳພາພັກ, ນຳພາປະເທດຊາດໃນໄລຍະຈະມາເຖິງ”.

        ທ່ານ ເຈິ່ງກົງທັ໊ງ, ປະທານຄະນະກຳມະການແນວໂຮມປະເທດຊາດແຂວງ ບັ໊ກຢາງ ເຊື່ອໝັ້ນວ່າ, ກອງປະຊຸມໃຫຍ່ຈະເລືອກເອົາໝູ່ຄະນະຄະນະບໍລິຫານງານສູນກາງພັກຊຸດທີ 13 ມີຄວາມສາມັກຄີຢ່າງແທດຈິງ, ເປັນຕົວແທນໃຫ້ພູມປັນຍາ, ກຳລັງຄວາມສາມາດ ແລະ ຄຸນນະທາດ, ແມ່ນຜູ້ຕາງໜ້າດີເດັ່ນທີ່ສຸດເພື່ອປະຕິບັດໜ້າທີ່ຂອງພັກມອບໝາຍໃຫ້.

(ແຫຼ່ງຄັດຈາກ VOV)