ທ່ານ ແສງເພັດ ຮຸ່ງບຸນຍວງ ເອກອັກຄະລັດຖະທູດ ສປປ.ລາວປະຈຳຫວຽດນາມ ໄດ້ຕີລາຄາສູງບັນດາຜົນສຳເລັດເຊິ່ງຫວຽດນາມບັນລຸໄດ້ໃນ ໄລຍະ 35 ປີແຫ່ງການປະຕິບັດແນວທາງປ່ຽນແປງໃໝ່, 5 ປີແຫ່ງການປະຕິບັດມະຕິກອງປະຊຸມໃຫຍ່ຄັ້ງທີ 13 ຂອງພັກ
            ທ່ານ ແສງເພັດ ຮຸ່ງບຸນຍວງ ເອກອັກຄະລັດຖະທູດ ສປປ.ລາວປະຈຳຫວຽດນາມ ໄດ້ຕີລາຄາສູງບັນດາຜົນສຳເລັດເຊິ່ງຫວຽດນາມບັນລຸໄດ້ໃນ ໄລຍະ 35 ປີແຫ່ງການປະຕິບັດແນວທາງປ່ຽນແປງໃໝ່, 5 ປີແຫ່ງການປະຕິບັດມະຕິກອງປະຊຸມໃຫຍ່ຄັ້ງທີ 13 ຂອງພັກ, ຫວຽດນາມ ບັນລຸໄດ້ບັນດາຜົນງານສຳຄັນໃນທຸກຂົງເຂດ ແລະ ແມ່ນ 1 ໃນ 10 ປະເທດມີຈັງວະເຕີບໂຕເສດຖະກິດສູງທີ່ສຸດໃນໂລກ. ການພົວພັນທາງການທູດ ແລະ ການເຊື່ອມໂຍງເຂົ້າກັບສາກົນ ບັນລຸໄດ້ຜົນງານສຳຄັນ, ປະກອບສ່ວນເຂົ້າໃນການຍົກສູງທີ່ຕັ້ງບົດບາດຂອງຫວຽດນາມບົນເວທີສາກົນ ແລະ ພາກພື້ນ. ທ່ານ ແສງເພັດ ຮຸ່ງບຸນຍວງຫວັງວ່າ ບັນດາໄຊຊະນະດັ່ງກ່າວໄດ້ຢັ້ງຢືນແນວທາງຢ່າງຖືກຕ້ອງ ແລະ ຫົວຄິດປະດິດສ້າງຂອງພັກກອມມູນິດ ຫວຽດນາມ.
            ກ່າວຄຳເຫັນທີ່ກອງປະຊຸປະກາດກ່ຽວກັບກອງປະຊຸມຄັ້ງທີ 13 ຂອງພັກ ຕໍ່ຄະນະທຸຕານຸທູດ ແລະ ບັນດາອົງການຈັດຕັ້ງສາກົນ ປະຈຳຫວຽດນາມ, ທ່ານ Saadi Salam ເອກອັກຄະລັດຖະທູດ ປາແລັດສະຕິນ ຢັ້ງຢືນວ່າ: ໃນສະພາບການໂລກພວມຕ້ອງຮັບມືກັບໂລກລະບາດໂຄວິດ - 19, ຜົນສຳເລັດຂອງ ຫວຽດນາມແມ່ນພະຍານຫຼັກຖານ ຢັງຢຶນວ່າ ບັນດານະໂຍບາຍໄດ້ນຳມາເຊິ່ງໝາກຜົນອັນດີງາມ, ເພື່ອໃຫ້ຊາວຫວຽດນາມ ແລະ ຊາວຕ່າງປະເທດດຳລົງຊີວິດຢູ່ຫວຽດນາມຢ່າງມີຄວາມອຸ່ນອ່ຽນໃຈ.