25/02/2021 09:55 GMT+7 Email Print Like 0

ກວດ​ສຸ​ຂະ​ພາບ, ກະ​ກ​ຽມ​ໃຫ້​ແກ່​ການ​​ທົດ​ລອງສັກວັກ​ຊິນ​ກັນ​ພະ​ຍາດ​ໂຄວິດ - 19 ໄລ​ຍະ​ທີ 2

ວິທະຍາຄານເສນາຮັກ ແລະ ສະຖາບັນ Pauster ນະຄອນໂຮ່ຈີມິນ ໄດ້ດຳເນີນການກວດສຸຂະພາບ ເພື່ອກະກຽມໃຫ້ແກ່ການທົດລອງວັກຊິນ Nanocovax ກັນພະຍາດໂຄວິດ - 19  ຂອງບໍລິສັດ  Nanogen ໄລຍະ ທີ 2 ຂອງ ຫວຽດນາມ. 
ຜູ້ອຳນວຍການວິທະຍາຄານເສນາຮັກ ລົງກວດກາວຽກງານກວດສຸຂະພາບ ກະກຽມດຳເນີນການທົດລອງສັກວັກຊິນກັນພະຍາດໂຄວິດ - 19 ໄລຍະ ທີ 2 (ພາບ: qdnd.vn)

ວັນທີ 24 ກຸມພາ, ວິທະຍາຄານເສນາຮັກ ແລະ ສະຖາບັນ Pauster ນະຄອນໂຮ່ຈີມິນ ໄດ້ດຳເນີນການກວດສຸຂະພາບ ເພື່ອກະກຽມໃຫ້ແກ່ການທົດລອງວັກຊິນ Nanocovax ກັນພະຍາດໂຄວິດ - 19  ຂອງບໍລິສັດ  Nanogen ໄລຍະ ທີ 2 ຂອງ ຫວຽດນາມ. ຄາດວ່າ ໄລຍະດັ່ງກ່າວ ຈະຫຼຸດເວລາລົງເຫຼືອພຽງ 3 ເດືອນ, ແທນທີ່ຈະແກ່ຍາວໃນເວລາ 6 ເດືອນຕາມແຜນການເບື້ອງຕົ້ນ.

         ທ່ານ ຫງວຽນໂງກວາງ, ຮອງຫົວໜ້າກົມວິສາຫະກິດເຕັກໂນໂລຢີ ແລະ ບຳລຸງສ້າງ, ກະຊວງສາທາລະນະສຸກໃຫ້ຮູ້ວ່າ, ຄາດວ່າ ວັນທີ 26 ກຸມພາ ຈະທົດລອງສັກວັກຊິນ Nanocovax  ເຂັມທຳທິດຂອງໄລຍະທີ 2, ເຊິ່ງຖືກຕາມຄວາມຄືບໜ້າ ແລະ ໃນທ້າຍເດືອນ ມີນາ 2021 ຈະສັກເຂັມທີ 2. ຮອດເດືອນ ພຶດສະພາ, ຖ້າຫາກວ່າ ໝາກຜົນການທົດລອງຂອງໄລຍະທີ 2 ໃຫ້ຜົນດີນັ້ນ ຈະສືບຕໍ່ທົດລອງໄລຍະທີ 3. ຖ້າຫາກວ່າເປັນໄປດ້ວຍດີ, ທ້າຍປີ 2021 ນີ້ ຫວຽດນາມຈະຜະລິດວັກຊິນດັ່ງກ່າວ. ນອກຈາກນັ້ນ, ວັກຊິນກັນພະຍາດໂຄວິດ - 19 ຊະນິດທີ 2 ຂອງ ຫວຽດນາມ - ວັນຊິນ Covivax ຂອງ ບໍລິສັດ IVAC ກໍຈະດຳເນີນການທົດລອງໄລຍະທີ 1 ໃນຮ່າງກາຍຂອງຄົນ ໃນເດືອນ ກຸມພານີ້. ສ່ວນລາຍການທົດລອງວັກຊິນກັນພະຍາດໂຄວິດ - 19 ຂອງບໍລິສັດ VABIOTECH ກໍຈະໄດ້ເລີ່ມທົດລອງໃນວັນທີ 1 ມີນາ ຈະມາເຖິງ.

(ແຫຼ່ງຄັດຈາກ VOV)