• Vietnamese
    កាសែតរូបភាពវៀតណាមជាភាសាវៀតណាម
  • English
    កាសែតរូបភាពវៀតណាមជាភាសា អង់គ្លេស
  • Français
    កាសែតរូបភាពវៀតណាមជាភាសាបារាំង
  • Español
    កាសែតរូបភាពវៀតណាមជាភាសា អេស្ប៉ាញ
  • 中文
    កាសែតរូបភាពវៀតណាមជាភាសាចិន
  • Русский
    កាសែតរូបភាពវៀតណាមជាភាសារុស្ស៊ី
  • 日本語
    កាសែតរូបភាពវៀតណាមជាភាសាជប៉ុន
  • ລາວ
    កាសែតរូបភាពវៀតណាមជាភាសា ឡាវ
  • 한국어
    កាសែតរូបភាពវៀតណាមជាភាសាកូរ៉េ

ម្ហូបអាហារ

សាច់ជ្រូកខ្វៃតាមបែបប្រពៃណីពិសេស នៅភូមិដឿងឡាំម (Duong Lam)

 
ភូមិបុរាណ ដឿងឡាំម (Duong Lam) (ទីរួម​ស្រុក សើនតី (Son Tay) - រដ្ឋធានី ហាណូយ (Ha Noi)) នៅតែរក្សារបៀប​ធ្វើ​សាច់ខ្វៃ​តាមបែបប្រពៃណីពិសេស នៅភូមិដឿងឡាំម (Duong Lam) ​តភ្ជាប់ជាមួយនឹងរឿង​ប្រវត្តិសាស្រ្ត​របស់​ស្តេច​ ង ក្វៀន (Ngo Quyen) (ឆ្នាំ៩៣៩ - ឆ្នាំ៩៤៤) បានបណ្តេញកងទ័ព​ឈ្លានពាន​មកពីខាងជើង ដើម្បីការពារប្រទេស។

ភូមិបុរាណដឿងឡាំម (Duong Lam)​ នៅតែរក្សារបៀបមុខម្ហូប​ប្រពៃណី​និង​ឆ្ងាញ់ ៗ ជាច្រើន ដូចជា សាច់មាន់ ​នំធ្វើពីអង្ករ​ ស្ករធ្វើពីសណ្តែតដីនិង​ជាពិសេសគឺសាច់ជ្រូកខ្វៃលើដងវែក។ តាមរឿងព្រេងនិទានថា​ នៅពេល​ដែល​ស្តេច ងគ្វៀន (Ngo Quyen)  បានឈ្នះ​ពួកកងទ័ពឈ្លានពាន​ នៅលើដងទន្លេ​ បាចដាំង (Bach Dang​)​។  អបអរសាទរ​ជោគជ័យ​នេះ ពួកគេបានធ្វើសាច់ជ្រូកខ្វៃ។ រហូតមកដល់ពេល​នេះ​សាច់ជ្រូកខ្វៃ​នៅតែជាមុខម្ហូបពិសេស ក្នុងពិធីបុណ្យធំៗ​របស់​ប្រជាជន​នៅទីនេះ​ក៏ដូចជាអញ្ជើញមិត្តភក្តិនិងភ្ញៀវទេសចរមកទស្សនាភូមិ ដឿងឡាំម (Duong Lam) ផងដែរ។


សាច់ជ្រូកបីជាន់ត្រូវបានជ្រើសរើសដោយហ្មត់ចត់ ដើម្បីធ្វើឱ្យសាច់ជ្រូកខ្វៃ។


គ្រឿងទេសប្រឡាក់ រួមមាន ខ្ទឹមក្រហមនិងខ្ទឹមស។


សាច់ជ្រូកខ្វៃតាមបែបប្រពៃណីពិសេសនេះត្រូវបានអាំងដោយធ្យូងនៅលើកំដៅទាប ក្នុងរយៈពេលពី បី ដល់   ៥ ម៉ោង ហើយឆ្អិន។

មុខម្ហូបសាច់ខ្វៃដ៏ល្បីល្បាញនៅភូមិដឿងឡាំម (Duong Lam) ។
 


តាមរយៈការស្វែងយល់ យើងបានទៅផ្ទះពូលឿង (Luong) និង មីងហឿង (Huong) គ្រួសារមួយប្រកបមុខរបរធ្វើសាច់ជ្រូកខ្វៃ តាមបែបប្រពៃណីនៅភូមិដឿងឡាំម (Duong Lam)។ លោកស្រី ហឿង (Huong) បានចែករំលែកថាប្រសិនបើសាច់ជ្រូកខ្វៃមានរសជាតិឆ្ងាញ់ យើងចាំបាច់ត្រូវជ្រើសរើសសាច់បីជាន់ស្រស់។ គ្រឿងទេស រួមមាន៖ ទឹកត្រី ប៊ីចេង ម្រេច ខ្ទឹមក្រហម រួមជាមួយស្លឹកត្របែកកិនឲ្យម៉ុដ្ឋ។ សាច់បានប្រឡាក់រួចហើយដែលត្រូវបានរុំលើដំបងឬស្សីដ៏ធំមួយដែលបានរុំស្លឹកចេកនៅខាងក្នុង។ សាច់នេះត្រូវបានអាំងក្នុងរយៈពេលដប់នាទីនៅលើធ្យូង បន្ទាប់មកចាក់ចូលលើស្បែក ដើម្បីឱ្យខ្លាញ់ហូរចេញ បន្ទាប់មកសាច់នេះត្រូវលាងជាមួយទឹកអំបិលនិងទឹកក្រូចឆ្មា ដើម្បីធ្វើឱ្យស្បែកស្រួយនិងស្អាត។ បន្ទាប់មក សាច់នេះត្រូវបានអាំងនៅលើធ្យូង ក្នុងរយៈពេល ៣-៥ ម៉ោង សាច់នឹងឆ្អិន។

មកដល់ដឿងឡាំម (Duong Lam) អ្នកទេសចរមិនត្រឹមតែទទួលស្វាគមន៍យ៉ាងកក់ក្តៅពីប្រជាជនរស់នៅទីនេះប៉ុណ្ណោះទេ ថែមទាំងពិសារម្ហូបសាច់ជ្រូកខ្វៃស្តាប់រឿងរ៉ាវប្រវត្តិសាស្រ្តដ៏អស្ចារ្យ កាលពី ១០០០ ឆ្នាំមុនឪពុកផងដែរ ។

អាស័យដ្ឋានពិសារសាច់ជ្រូកខ្វៃ៖
- សាច់ជ្រូកខ្វៃផ្ទះពូមីងលឿងហឿង (Luong Huong)  ភូមិដឿងឡាំម (Duong Lam)។ ទូរស័ព្ទ៖ ០៣៧៩០៦៤៨៧៤
- សាច់ជ្រូកខ្វៃពិសេសបែបប្រពៃណីដឿងឡាំម (Duong Lam) ភោជនីយដ្ឋាន គៀន (Kien) (១០០ វិថីទួទិញ (Tue Tinh)  - ហាណូយ (Ha Noi)) ។
ទូរស័ព្ទ៖ ០៩១២៩៦៩៤៩៧


អត្ថបទនិងរូបថត៖ ត្រឹនថាញ់យ៉ាង


Top