តាំងពីយូរ អ្នកក្រុងហាណូយចូលចិត្តពិសានំប៉័ងស៊ុបគោ។ អាចងាយជួបប្រទះនំប៉័ងនេះ នៅតាមទីប្រជុំជនដូចជា៖ ទីប្រជុំជនដិញង៉ាង (Dinh Ngang) ថៃថិញ (Thai Thinh) តាហៀន (Ta Hien) ចឹងកឹម (Chan Kiem) ជាដើម ភ្ញៀវអង្គុយលើកៅអី តាមបណ្តោយចិញ្ចើមថ្នល់ ដើម្បីពិសាក្រេបយករសជាតិប្រពៃណីនេះ។ ក្រៅពីនោះ ប្រសិនបើមិនចេញទៅពិសាអាហារណានៅខាងក្រៅ អ្នកអាចនៅផ្ទះចម្អិនដោយខ្លូនឯងក៏បានដែរ។

នំប៉័ងស៊ុបគោនៃហាងនំប៉័ងត្រឹម (Tram) លេខ២៥២ ផ្លូវហាងបុង (Hang Bong) ខណ្ឌហ្វាងគីម (Hoan Kiem) ក្រុងហាណូយ។ រូបថត៖ ខាញ់ឡុង

ចំណុចសំខាន់នៃនំប៉័ងនេះ គឺទឹកស៊ុបគោ​។ ដើម្បីធ្វើបានស៊ុបឆ្ងាញ់ ពួកគេត្រូវជ្រើសរើសសាច់គោមានសរសៃស្រួយ ហើយពេលចម្អិនមិនត្រូវទុកឱ្យពុករលួយពេក។ ទឹកស៊ុបចំហាយក្លិនគ្រឿង ផ្លែ Black Cardamom មានទឹកក្រហមឆ្អៅជក់ចិត្ត។ លាយចម្រុះនៅនឹងចាន គឺមានបន្ទះការ៉ុត ដំឡូងបាំងរាំងចំណិតតូចៗ និងបន្លែក្រអូបគ្រប់គ្រឿង ធ្វើឱ្យនំប៉័ងកាន់តែឆ្ងាញ់ពិសាជាងទៀត។

នៅរដូវរងា ពេលធ្វើដំណើរកម្សាន្តជុំវិញរដ្ឋធានីហាណូយ ពិសានំប៉័ងស៊ុបគោ​ ជាមួយនឹងរសជាតិឈ្ងុយឆ្ងាញ់ ក្តៅៗ កំពុងតែចំហាយផ្សែង ធ្វើឱ្យមនុស្សគ្រប់គ្នាបំបាត់ភាពត្រជាក់នៃរដូវរងា៕
 

អត្ថបទ៖ ង៉ឹនហា រូបថត៖ ខាញ់ឡុង