នាយករដ្ឋមន្រ្តីជប៉ុនលោក Shinzo Abe និងរដ្ឋមន្រ្តីការពារជាតិអាមេរិកលោក James Mattis
កាលពីថ្ងៃទី៣ កុម្ភៈ (រូបថត៖EPA/TTXVN)

នាថ្ងៃទី៣ ខែកុម្ភៈ ឆ្នាំ២០១៧ ​រដ្ឋមន្រ្តីការពារជាតិអាមេរិកលោក James Mattis ដែលកំពុងអញ្ជើញបំពេញទស្សនកិច្ចនៅជប៉ុននោះ​បានអះអាងជាថ្មីម្ដងទៀតនូវការសន្យារបស់វ៉ាស៊ីនតោនចំពោះតូក្យូស្ដីអំពីកិច្ចព្រមព្រៀងការ​ពារ​ជាតិទ្វេភាគីក្នុងជំនួបចរចារជាមួយនាយករដ្ឋមន្រ្តីប្រទេសម្ចាស់ផ្ទះលោក Shinzo Abe។ លោក Mattis សង្កត់ធ្ងន់ថា គ្មានការសង្ស័យណាមួយចំពោះការសន្យារបស់ អាមេរិកស្ដីអំពីទំនាក់ទំនងសម្ព័ន្ធមិត្តតាំងពីយូរណាស់មកហើយនេះ។ រីឯខ្លួនវិញ នាយករដ្ឋមន្រ្តីលោក Shinzo Abe បានសំដែងជំនឿជាក់ថា រួមជាមួយប្រធានា ធិបតីអាមេរិក លោក Donald Trump និងរដ្ឋមន្រ្តីលោក  Mattis នោះ ជប៉ុននិង អាមេរិកអាចបញ្ជាក់ជាមួយពិភពលោកអំពីសម្ព័ន្ធភាពដ៏រឹងមាំរវាងប្រទេសទាំងពីរ៕

តាម VOV5 - វិទ្យុសម្លេងវៀតណាម