ព័ត៌មាន
អគ្គលេខាបក្ស ប្រធានរដ្ឋវៀតណាមលោក Nguyen Phu Trong អញ្ជើញជួបប្រាស្រ័យជាមួយអ្នកបោះឆ្នោតនៅរដ្ឋធានីហាណូយ
អគ្គលេខាបក្ស ប្រធានរដ្ឋលោក Nguyen Phu Trong អញ្ជើញថ្លែងមតិក្នុងជំនួបប្រាស្រ័យជាមួយអ្នកបោះឆ្នោត (រូបថត៖ VOV)
នាព្រឹកថ្ងៃទី២៤ ខែវិច្ឆិកា ឆ្នាំ២០១៨ អគ្គលេខានៃគណៈកម្មាធិការមជ្ឈឹមបក្សកុម្មុយនិស្តវៀតណាម ប្រធានរដ្ឋលោក Nguyen Phu Trong និងគណៈប្រតិភូសមាជិកសភាមណ្ឌលទីក្រុងហាណូយ បានអញ្ជើញជួបប្រាស្រ័យជាមួយអ្នកបោះឆ្នោតនៅខ័ណ្ឌ Ba Dinh ខ័ណ្ឌ Tay Ho និងខ័ណ្ឌ Hoan Kiem។
អញ្ជើញថ្លែងនៅជំនួបនេះ អគ្គលេខាបក្ស ប្រធានរដ្ឋលោក Nguyen Phu Trong បានវាយតម្លៃ កម្ពស់ចំពោះការផ្ដល់មតិយ៉ាងស្មោះត្រង់ និងមានការទទួលខុសត្រូវរបស់អ្នកបោះឆ្នោត។ លោកចាត់ទុកថា លទ្ធផលនៃសម័យប្រជុំលើកទី៦ រដ្ឋសភានីតិកាលទី១៤ បានបង្ហាញនូវបរិយាកាសប្រជាធិបតេយ្យនិងសាមគ្គីភាពរបស់ប្រទេសជាតិ។
ចំពោះការងារបង្ការប្រឆាំងអំពើពុករលួយ អគ្គលេខាបក្ស ប្រធានរដ្ឋលោក Nguyen Phu Trong បានមានប្រសាសន៍ថា នេះជាបញ្ហាដែលអ្នកបោះឆ្នោតតែងតែយកចិត្តទុកដាក់ក្នុងជំនួបប្រាស្រ័យ នាពេលថ្មីៗនេះ។ ប្រការនេះបានសរអោយឃើញថា អ្នកបោះឆ្នោតមានគោលបំណងចង់អោយការងារបង្ការប្រឆាំងអំពើពុករលួយនេះ ត្រូវបានធ្វើយ៉ាងល្អនិងម៉ឺងម៉ាត់ថែមទៀត៕
តាម VOV5 - វិទ្យុសំឡេងវៀតណាម
