វៀតណាមកំពុងក្លាយទៅជាផ្នែកដ៏សំខាន់នៅក្នុងខ្សែសង្វាក់ផ្គត់ផ្គង់អាស៊ី ដែលជាទិសដៅថ្មីសម្រាប់អង្គភាពអាជីវកម្មជាបន្តបន្ទាប់ ក្នុងការធ្វើពិពិធកម្មខ្សែសង្វាក់ផ្គត់ផ្គង់។ សាជីវកម្មពហុជាតិ ជាច្រើនបន្តជ្រើសរើសវៀតណាមជាគោលដៅវិនិយោគដ៏ទាក់ទាញ។ គួរកត់សម្គាល់ថាមានសាជីវកម្មបច្ចេកវិទ្យាខ្ពស់កាន់តែច្រើនឡើង។ នេះជាការវាយតម្លៃរបស់សារព័ត៌មានអន្តរជាតិជាច្រើនអំពីវៀតណាមនាពេលកន្លងទៅ។

សារព័ត៌មាន Nikkei Assia របស់ប្រទេសជប៉ុនបានរាយការណ៍ថា វៀតណាមកំពុងទាក់ទាញសាជីវកម្មផលិតបន្ទះឈីបធំៗជាច្រើនរបស់ពិភពលោក។ ក្រៅពីក្រុមហ៊ុន Apple, Samsung និង Panasonic ដែលកំពុងពង្រីកទំហំនោះ សាជីវកម្ម Synopsys របស់អាមេរិក នាពេលថ្មីៗនេះបានឲ្យដឹងថានឹងជួយសម្រួលដល់ការបណ្តុះបណ្តាលវិស្វករ និងបង្កើតមជ្ឈមណ្ឌលរចនាបន្ទះឈីបនៅប្រទេសវៀតណាម។

គួរកត់សំគាល់ថា វៀតណាមកំពុងទាក់ទាញសាជីវកម្មផលិតកម្មបច្ចេកវិទ្យាខ្ពស់ជាច្រើន។ យោងតាមគេហទំព័រ Retail news បានឲ្យដឹងថា សាជីវកម្ម Boeing មានបំណងចង់អភិវឌ្ឍន៍ខ្សែសង្វាក់ផ្គត់ផ្គង់នៅប្រទេសវៀតណាម ដោយនាំ សហគ្រាសក្នុងស្រុកជាច្រើនមកជាអ្នកផ្គត់ផ្គង់ផងដែរ៕