ប្រទេសអ៊ីតាលីគឺជាប្រទេសដែលរងការខូចខាតខាងសេដ្ឋកិច្ចច្រើនបំផុត (រូបថត៖ La Stampa)
គណៈកម្មការអឺរ៉ុបកាលពីថ្ងៃទី ៦ ឧសភាបានព្រមានថា ជំងឺរាតត្បាត Covid-19 កំពុងគំរាមកំហែងយ៉ាងធ្ងន់ធ្ងរដល់អនាគតនៃតំបន់រូបិយប័ណ្ណរួមអឺរ៉ុប (Eurozone) នៅពេលដែលជំរុញសេដ្ឋកិច្ចរបស់ប្រទេសជាសមាជិកឱ្យធ្លាក់ចូលក្នុងវិបត្តិសេដ្ឋកិច្ចដ៏ធ្ងន់ធ្ងរបំផុតក្នុងរយៈពេលជិត ១ សតវត្ស។
ការព្រមាននេះត្រូវបានសមាជិកទទួលបន្ទុកសេដ្ឋកិច្ច នៃគណៈកម្មការអឺរ៉ុបលោក Paolo Gentiloni លើកឡើងក្នុងសន្និសីទសារព័ត៌មានស្តីពីការព្យាករណ៍សេដ្ឋកិច្ចអឺរ៉ុបសម្រាប់និទាឃរដូវឆ្នាំ ២០២០ នៅទីក្រុងប្រ៊ុចសែលនាថ្ងៃទី៦ ខែឧសភា។
យោងតាមលោក Paolo Gentiloni បានឲ្យដឹងថាជំងឺរាតត្បាត Covid-19 បានបង្កើតការបែកបាក់សេដ្ឋកិច្ចយ៉ាងខ្លាំងរវាងសមាជិកនៃតំបន់រូបិយប័ណ្ណរួមអឺរ៉ុប ខណៈដែលតំបន់ទាំងមូលបានធ្លាក់ចូលក្នុងវិបត្តិសេដ្ឋកិច្ចធ្ងន់ធ្ងរបំផុតចាប់តាំងពី វិបត្តិសេដ្ឋកិច្ចសកលលោកនៅដើមសតវត្សរ៍ទី ២០ ។
នាបច្ចុប្បន្នបណ្តាប្រទេសសមាជិកនៃតំបន់រូបិយវត្ថុរួមអឺរ៉ុបក៏បានដាក់ចេញនូវកញ្ចប់ថវិកាសង្គ្រោះបន្ទាន់សម្រាប់សេដ្ឋកិច្ចបន្ទាន់ផ្ទាល់ខ្លួន ដែលមានទឹកប្រាក់ចំនួនសរុបជិត ៣ ពាន់ពាន់លានអឺរ៉ូ៕
តាម VOV5 - វិទ្យុសំឡេងវៀតណាម
