នាថ្ងៃទី១៩ ខែកញ្ញា ឆ្នាំ២០១៨ អគ្គនាយកដ្ឋានទេសចរណ៍វៀតណាម បានរួមសហការ ជាមួយមជ្ឈមណ្ឌលពន្លឿនការវិនិយោគ ពាណិជ្ជកម្មនិងទេសចរណ៍ហាណូយ និង ដៃគូសំខាន់របស់ខ្លួនគឺសមាគមទេសចរណ៍អាមេរិក (ASTA) រៀបចំកម្មវិធីផ្សព្វ ផ្សាយអំពីវិស័យទេសចរណ៍ព្រឹត្តិការណ៍នេះ គឺជាឱកាសមួយសម្រាប់វៀតណាមផ្សព្វផ្សាយ ទៅដល់ប្រជាជន អាមេរិក អំពីប្រទេសវៀតណាមមួយដ៏ស្រស់ស្អាត ដែលមានគោលដៅទាក់ទាញ ភ្ញៀវទេសចរជាច្រើនមកទស្សនាដូចជា ឈូងសមុទ្រ Ha Long ប្រព័ន្ធគុហានៅ Phong Nha-Ke Bang ឬផលិតផលទេសចរណ៍ពិសេសអំពីវប្បធម៌ម្ហូបអាហារ របស់វៀតណាមផងដែរ។
លើសពីនេះទៀតព្រឹត្តិការណ៍នេះផ្តល់ឱកាស សហប្រតិបត្តិការរវាងក្រុមហ៊ុន ទេសចរណ៍ ក្នុងស្រុកនិងដៃគូនៅសហរដ្ឋអាមេរិក និងរវាងអ្នកវិនិយោគរួមទាំង ជម្រុញការចែករំលែកព័ត៌មាននិងបទពិសោធន៍ក្នុងការអភិវឌ្ឍវិស័យទេសចរណ៍ សំដៅរួមចំណែកដល់ការយល់ដឹងកាន់តែស៊ីជម្រៅនិងមិត្តភាពរវាងប្រទេសទាំងពីរ វៀតណាមនិងអាមេរិកតែម្តង។
តាម VOV5 - វិទ្យុសំឡេងវៀតណាម
