ប្រធានរដ្ឋសភាវៀតណាមលោក Vuong Dinh Hue បានផ្តល់អាហារូបករណ៍ចំនួន ៦០ កន្លែង ដល់សិស្សានុសិស្សដែលមានស្ថានភាពលំបាក ហើយមានសមិទ្ធិផលសិក្សាល្អៗ (រូបថត៖ VNA)  

នាយប់ថ្ងៃទី៣០ ខែមេសា ឆ្នាំ២០២២ សមាគមអតីតយុទ្ធជនវៀតណាមនៅរុស្ស៊ីបានប្រារព្ធពិធីរំលឹកខួបលើកទី ៤៧ ទិវារំដោះវៀតណាមខាងត្បូង និងឯកភាពប្រទេសជាតិ (៣០ មេសា ១៩៧៥ - ៣០ មេសា ២០២២) និងទិវាពលកម្មអន្តរជាតិ (១ ឧសភា)។ អញ្ជើញចូលរួមព្រឹត្តិការណ៍នេះមានវត្តមានអតីតយុទ្ធជនវៀតណាមយ៉ាងច្រើនកុះករនៅទីក្រុងម៉ូស្គូ។ អញ្ជើញថ្លែងមតិក្នុងពិធីនេះ ឯកអគ្គរដ្ឋទូតវិសាមញ្ញ និងពេញសមត្ថភាពវៀតណាមប្រចាំនៅរុស្ស៊ី លោក Dang Minh Khoi បានសង្កត់ធ្ងន់លើគុណបំណាច់របស់ជនរួមជាតិ និងយុទ្ធជនពលីដែលបានប្រយុទ្ធតស៊ូ និងពលីកម្មសម្រាប់ប្រទេសជាតិ ហើយលោកបានឲ្យថា ចាំបាច់ត្រូវប្រៀនប្រដៅ អប់រំដល់ កូនចៅជំនាន់ក្រោយដើម្បីការពារមាតុភូមិវៀតណាម។

នៅក្នុងពិធីនេះ សមាគមអតីតយុទ្ធជនវៀតណាមបានជួយជ្រោមជ្រែងនឹងសេចក្ដីអំពាវនាវរបស់កងទ័ពជើងទឹកវៀតណាម គណៈកម្មាធិការរដ្ឋទទួលបន្ទុកជនវៀតណាមនៅឯបរទេស ស្ថានទូតវៀតណាមប្រចាំនៅរុស្ស៊ី និងសមាគមជនវៀតណាមនៅរុស្សី បានរៀបចំពិធីជួយឧបត្ថម្ភថវិកាចំនួន ៣,៥ ពាន់លានដុងជូនកងទ័ព និងប្រជាជននៅស្រុកកោះ Truong Sa ផងដែរ៕