លោក Do Van Chien មានបំណងចង់ឲ្យអ្នកមុខអ្នកការនិងបងប្អូនជនជាតិខ្មែរ ប្តេជ្ញាចិត្ត សាមគ្គីគ្នាដើម្បីចូលរួមក្នុងដំណើរការកសាងជនបទថ្មីនិងប្រយុទ្ធប្រឆាំងជំងឺរាតត្បាត។ ប្រធានគណៈកម្មាធិការមជ្ឈិមរណសិរ្សមាតុភូមិវៀតណាមក៏មានបំណង ចង់ឲ្យបងប្អូនជនរួមជាតិរួបរួមសាមគ្គីគ្នា រួមកម្លាំងកាយចិត្ត ស្រុះចិត្តគំនិតគ្នា មានជំនឿលើបក្ស ធ្វើពលកម្មផលិតកម្មយ៉ាងសកម្ម ដើម្បីបម្រើការអភិវឌ្ឍមាតុភូមិ។
នាថ្ងៃដដែលនេះ ប្រធានគណៈចលនាមហាជនមជ្ឈឹម លោកស្រី Bui Thi Minh Hoai បានអញ្ជើញចុះសួរសុខទុក្ខនិងជូនពរឆ្នាំថ្មីដល់ព្រះសង្ឃ ពុទ្ធបរិស័ទសាសនិកថេរវាទ ជាមួយតំណាងជនរួមជាតិខ្មែរដែលកំពុងរស់នៅទីក្រុងហូជីមិញ និងនិស្សិតឡាវ កម្ពុជា ថៃ ដែលកំពុងសិក្សារៀនសូត្រនៅទីក្រុង។ នៅទីនេះ លោកស្រី Bui Thi Minh Hoai បានសង្កត់ធ្ងន់ថា បក្សនិងរដ្ឋ ជានិច្ចកាលយកចិត្តទុកដាក់ និងមានគោលនយោបាយបង្កើតលក្ខខណ្ឌអំណោយផលជាច្រើន ដើម្បីជួយសម្រួលដល់បងប្អូនជនជាតិភាគតិច ក្នុងនោះមានបងប្អូនជនជាតិខ្មែរ ក្នុងការអភិវឌ្ឍសេដ្ឋកិច្ច លើកកំពស់ជីវភាពរស់នៅ ថែរក្សាអត្តសញ្ញាណវប្បធម៌ជាតិ គោរពនិងធានាសិទ្ធិសេរីភាពខាងជំនឿសាសនា ធ្វើសកម្មភាពសាសនាស្របច្បាប់ បង្កើតលក្ខខណ្ឌអំណោយផលសម្រាប់បងប្អូនជនជាតិភាគតិចកាន់សាសនា និងអ្នកមុខអ្នកការសាសនា ដើម្បីអនុវត្តន៍សកម្មភាពបួសរៀន សាសនាឱ្យបានល្អ៕
