នៅព្រឹកថ្ងៃទី ៣០ ខែមេសា ទីក្រុងហូជីមិញនឹងរៀបចំពិធីរំលឹកខួបលើកទី ៤៥ នៃទិវារំដោះវៀតណាមភាគខាងត្បូង ឯកភាពប្រទេសជាតិ។ ពិធីនេះត្រូវបានផ្សាយផ្ទាល់ចេញពីសាលប្រជុំ Thong Nhat។
 |
| វិមានឯករាជ្យ (រូបថត៖ dantri.com.vn) |
ដើម្បីរំលឹក ខួបលើកទី ៤៥ ឆ្នាំ នៃទិវារំដោះវៀតណាមខាងត្បូង ឯកភាពប្រទេសជាតិ (ថ្ងៃទី ៣០ ខែមេសាឆ្នាំ ១៩៧៥ - ថ្ងៃទី ៣០ ខែមេសាឆ្នាំ ២០២០) និងលើកទី ១៣៤ នៃទិវា ពលកម្មអន្តរជាតិ (ថ្ងៃទី ១ ខែឧសភា ឆ្នាំ ១៨៨៨-ថ្ងៃទី ១ ខែឧសភា ឆ្នាំ ២០២០) ទី ក្រុងហូជីមិញនឹងរៀបចំសកម្មភាព ប្រកបដោយអត្ថន័យជាក់ស្តែងជាច្រើន ដោយមានគោលដៅឃោសនា អប់រំ រំលឹកប្រពៃណីស្នេហាជាតិ លើកកំពស់ការយល់ដឹងសម្រាប់កម្មាភិបា និងប្រជាជនគ្រប់រូបអំពីអត្ថន័យជាប្រវត្តិសាស្ត្រនៃជ័យជំនះ ៣០ មេសា និងទិវាពលកម្មអន្តរជាតិ ថ្ងៃទី ១ ខែឧសភា។
អាស្រ័យហេតុនេះ នាព្រឹកថ្ងៃទី ៣០ ខែមេសា ទីក្រុងហូជីមិញនឹងរៀបចំពិធីរំលឹកខួបលើកទី ៤៥ នៃទិវារំដោះវៀតណាមភាគខាងត្បូង ឯកភាពប្រទេសជាតិ ។ ពិធីនេះត្រូវបានផ្សាយផ្ទាល់ចេញពីសាលប្រជុំ Thong Nhat។ ទន្ទឹមនឹងនេះ គណៈចាត់តាំងទិវាបុណ្យធំៗនៃទីក្រុងហូជីមិញនឹងរៀបចំពិព័រណ៍រំលឹកខួបលើកទី ៤៥ នៃទិវារំដោះវៀតណាមខាងត្បូង ឯកភាពប្រទេសជាតិនិងលើកទី ១៣៤ នៃទិវាពលកម្មអន្តរជាតិនៅតាមវិថីដើរថ្មើរជើង Nguyen Hue ផ្លូវ Dong Khoi ខ័ណ្ឌទី ១ ចាប់ពីថ្ងៃទី ២៧ ខែមេសាដល់ថ្ងៃទី ១០ ខែឧសភា៕
តាម VOV5- វិទ្យុសម្លេងវៀតណាម
