អ្នកនាំពាក្យក្រសួងការបរទេសវៀតណាម លោកស្រី Pham Thu Hang (រូបថត៖ VGP)

វៀតណាមស្វាគមន៍ចំពោះកិច្ចព្រមព្រៀងឈប់បាញ់បន្ទាន់និងឥតលក្ខខណ្ឌដែលសម្រេចបានរវាងកម្ពុជានិងថៃ។ នេះគឺជាជំហានដ៏សំខាន់ឆ្ពោះទៅមុខ ក្នុងការកាត់បន្ថយភាពតានតឹងនិងស្តារសន្តិភាព ស្ថិរភាព សន្តិសុខ និងសុវត្ថិភាពនៅក្នុងតំបន់។ វៀតណាមជឿជាក់ថា ប្រទេសទាំងពីរនឹងអនុវត្តយ៉ាងម៉ឺងមាត់នូវកិច្ចព្រមព្រៀងឈប់បាញ់ បន្តការសន្ទនា ស្វែងរកដំណោះស្រាយដោយសន្តិវិធី ដោះស្រាយការខ្វែងគំនិតគ្នាជាមូលដ្ឋាន ព្រមទាំងរួមចំណែករក្សាសន្តិភាព ស្ថិរភាព កិច្ចសហប្រតិបត្តិការ និងការអភិវឌ្ឍក្នុងតំបន់និងពិភពលោក។

វៀតណាមវាយតម្លៃខ្ពស់ចំពោះកិច្ចខិតខំប្រឹងប្រែងរបស់ម៉ាឡេស៊ី ក្នុងតួនាទីជាប្រធានសមាគមប្រជាជាតិអាស៊ីអាគ្នេយ៍ (អាស៊ាន) ឆ្នាំ ២០២៥ ដែលបានជំរុញយ៉ាងសកម្ម និងបង្កើតបរិយាកាសអំណោយផលសម្រាប់ការដោះស្រាយការខ្វែងគំនិតដោយសន្តិវិធី ដោយឈរលើគោលការណ៍ជាមូលដ្ឋាននៃច្បាប់អន្តរជាតិ ធម្មនុញ្ញអង្គការសហប្រជាជាតិ ធម្មនុញ្ញអាស៊ាន សន្ធិសញ្ញាមិត្តភាពនិងកិច្ចសហប្រតិបត្តិការជាមិត្តនៅអាស៊ីអាគ្នេយ៍ (TAC) និងឈរលើស្មារតីមិត្តភាព សាមគ្គីភាពក្នុងអាស៊ាន ដើម្បីផលប្រយោជន៍នៃភាគីទាំងពីរនិងរបស់តំបន់៕