ទិដ្ឋភាពនៃកិច្ចប្រជុំរំលឹកខួបលើកទី ៨០ នៃការចុះហត្ថលេខាលើធម្មនុញ្ញអង្គការសហប្រជាជាតិ (រូបថត៖ Thanh Tuan/TTXVN)

អញ្ជើញថ្លែងមតិក្នុងកិច្ចពិភាក្សានេះ ឯកអគ្គរដ្ឋទូត លោក ដូ ហ៊ុង វៀត (Do Hung Viet)ប្រធានបេសកកម្មអចិន្ត្រៃយ៍របស់វៀតណាមប្រចាំនៅអង្គការសហប្រជាជាតិបានសង្កត់ធ្ងន់លើអត្ថន័យប្រវត្តិសាស្ត្រនិងតម្លៃស្នូលនៃធម្មនុញ្ញក្នុងដំណើរការតស៊ូដណ្តើមឯករាជ្យ និងការពារអធិបតេយ្យភាពរបស់វៀតណាម។ លោកឯកអគ្គរដ្ឋទូត ដូ ហ៊ុង វៀត បានសង្កត់ធ្ងន់ថា ទោះបីជាមានការបាត់បង់និងការឈឺចាប់ជាច្រើនក៏ដោយ ប៉ុន្តែជម្រើសរបស់វៀតណាមតែងតែជាសន្តិភាព កិច្ចសហប្រតិបត្តិការ និងការផ្សះផ្សា - តម្លៃដែលឆ្លុះបញ្ចាំងពីស្មារតីស្នូលនៃធម្មនុញ្ញអង្គការសហប្រជាជាតិ។ ក្នុងឱកាសនេះ វៀតណាមអំពាវនាវឲ្យសហគមន៍អន្តរជាតិក្រឡេកមើលមេរៀនប្រវត្តិសាស្ត្រឡើងវិញ កុំប្រព្រឹត្តកំហុសនាអតីតកាល និងរួមដៃគ្នាអនុវត្តធម្មនុញ្ញឲ្យបានពេញលេញ ដើម្បីពិភពលោកប្រកបដោយសន្តិភាព យុត្តិធម៌ និងការអភិវឌ្ឍន៍ចីរភាពសម្រាប់ប្រជាជនគ្រប់រូប៕