នាថ្ងៃទី ១៤ មេសា ឆ្លើយតបនឹងសំណួររបស់អ្នកសារព័ត៌មានដែលសួរអំពីប្រតិកម្មរបស់វៀតណាមចំពោះការបាញ់រ៉ុក្តែតចូលទឹកដីអ៊ីស្រាអែល អ្នកនាំពាក្យក្រសួងការបរទេស លោកស្រី Pham Thu Hang បានសង្កត់ធ្ងន់ថា៖ វៀតណាមមានការព្រួយបារម្ភយ៉ាងខ្លាំងចំពោះការវាយប្រហារដែលកំពុងកើនឡើង នាពេលបច្ចុប្បន្ន នៅក្នុងតំបន់មជ្ឈិមបូព៌ា ជាពិសេសអំពើហឹង្សានោះបំពានធម្មនុញ្ញអង្គការសហប្រជាជាតិ និងបង្កឲ្យមានការខូចខាតដល់ប្រជាជនស៊ីវិល។
អ្នកនាំពាក្យក្រសួងការបរទេស លោកស្រី Pham Thu Hang បានអំពាវនាវឱ្យភាគីពាក់ព័ន្ធដោះស្រាយការខ្វែងគំនិតគ្នាដោយសន្តិវិធី និងគោរពតាមច្បាប់អន្តរជាតិ ធម្មនុញ្ញ និងសេចក្តីសម្រេចចិត្តពាក់ព័ន្ធរបស់អង្គការសហប្រជាជាតិ បញ្ឈប់ជាបន្ទាន់នូវអំពើហឹង្សាដែលបង្កើនភាពតានតឹង ដើម្បីសន្តិសុខ សុវត្ថិភាព សន្តិភាព និងស្ថិរភាពក្នុងតំបន់ និងពិភពលោក៕