កាលពីថ្ងៃទី ១៦ ខែមេសា លេខាធិការដ្ឋានអង្គការសហប្រជាជាតិបានប្រកាសនូវរបាយការណ៍ខែជាប្រធានក្រុមប្រឹក្សាសន្តិសុខរបស់វៀតណាម ទៅប្រព័ន្ធឯ៝កសារផ្លូវការរបស់អង្គការសហប្រជាជាតិ។

របាយការណ៍នេះបានពិនិត្យឡើងវិញ ផ្តល់ព័ត៌មានសង្ខេបនិងការវាយតម្លៃនូវរាល់សកម្មភាពដែលវៀតណាមបានអនុវត្តក្នុងកំឡុងខែប្រធានគឺខែមករា ឆ្នាំ ២០២០។ ហេតុដូច្នេះ ព័ត៌មានស្តីពីការប្រជុំបើកចំហរចំនួន ១៤ និង និងកិច្ចប្រជុំបិទ ការពិគ្រោះយោបល់លើបញ្ហាក្តៅគគុកនៅទ្វីបអាហ្វ្រិក អាស៊ី មជ្ឈិមបូព៌ា អឺរ៉ុប អាមេរិក និងបញ្ហាប្រធានបទទាក់ទងនឹងការរក្សាសន្តិភាពនិងសន្តិសុខអន្តរជាតិសុទ្ធតែត្រូវបានលើកឡើងប្រ កបដោយតម្លាភាពនិងភាពលម្អិតផងដែរ។

សូមគូសបញ្ជាក់ថា ជាទម្លាប់សម្រាប់ប្រទេសនានាក្នុងការទទួលតំណែងជាប្រធានក្រុមប្រឹក្សាសន្តិសុខ បន្ទាប់ពីបញ្ចប់អាណត្តិរបស់ខ្លួន ប្រទេសនោះត្រូវរៀបចំរបាយការណ៍ស្តីពីសកម្មភាពប្រចាំខែ។ ក្នុងដំណើរការរៀបចំនិងបញ្ចប់របាយការណ៍ វៀតណាមក៏បានពិភាក្សាជាមួយបណ្តាប្រទេសសមាជិកក្រុមប្រឹក្សាសន្តិសុខផ្សេងទៀត ក៏ដូចជាលេខាធិការដ្ឋានអង្គការសហប្រជាជាតិផងដែរ។  បន្ទាប់ពីរយៈពេល ២ ខែ បញ្ចប់អាណត្តិប្រធានមក នៅថ្ងៃទី ៣១ ខែមីនាឆ្នាំ ២០២០ វៀតណាមបានបញ្ចប់របាយការណ៍ ហើយបញ្ជូនវាទៅលេខាធិការដ្ឋានអង្គការ សហប្រជាជាតិ ដើម្បីផ្សព្វផ្សាយជាឯកសារផ្លូវការរបស់ក្រុមប្រឹក្សាសន្តិសុខ។ តាមពិត ការបញ្ចប់របាយការណ៍ប្រចាំខែរបស់ក្រុមប្រឹក្សាសន្តិសុខ ជាធម្មតាចំណាយពេលប្រហែល ៥-៦ ខែឯណោះ៕
 

  
តាម VOV5- វិទ្យុសម្លេងវៀតណាម