នេះជាប្រសាសន៍របស់ឧបនាយករដ្ឋមន្ត្រី ហ្វាមធិ ថាញ់ ត្រា នៅក្នុងវេទិកាទេសចរណ៍កម្រិតខ្ពស់ ដែលបានធ្វើឡើងនាថ្ងៃទី២៧ ខែសីហា នៅទីក្រុងហូជីមិញ។ ឧបនាយករដ្ឋមន្ត្រី ហ្វាមធិ ថាញ់ត្រា បានស្នើឱ្យក្រសួងវប្បធម៌ កីឡា និងទេសចរណ៍បង្កើតជាបន្ទាន់នូវទិសដៅអភិវឌ្ឍន៍ MICE ថ្នាក់ជាតិ។ ជាមួយគ្នានោះ ផ្តល់ប្រឹក្សាយោបល់លើយន្តការ និងគោលនយោបាយដើម្បីទាក់ទាញអង្គការ និងសាជីវកម្ម MICE ឈានមុខគេលើពិភពលោក៖
"ខ្ញុំស្នើឱ្យក្រសួងវប្បធម៌ កីឡា និងទេសចរណ៍ផ្តល់ប្រឹក្សាយោបល់ជាបន្ទាន់ ជូនដល់រដ្ឋាភិបាលអំពីការអនុវត្តសេចក្តីសម្រេចរបស់ការិយាល័យនយោបាយ ស្តីពីការអភិវឌ្ឍទេសចរណ៍ទៅជាវិស័យសេដ្ឋកិច្ចមុខព្រួញនៅក្នុងយុគសម័យថ្មី។ នៅថ្ងៃទី ៣ ខែកញ្ញា យើងនឹងរៀបចំសន្និសីទជាតិដើម្បីជ្រួតជ្រាប និងអនុវត្តសេចក្តីសម្រេចនេះ។ នេះគឺជាសេចក្តីសម្រេចចិត្តមួយនៅក្នុងកំណាត់ផ្លូវអភិវឌ្ឍន៍ថ្មី ដោយលើកកម្ពស់ការប្រកួតប្រជែងរបស់ប្រទេសជាតិ។ ដូច្នេះ ត្រូវតែអនុវត្តន៍ជាបន្ទាន់ ម៉ឺងម៉ាត់ សកម្ម និងមានប្រសិទ្ធភាព”។ នេះ បើយោងតាមប្រសាសន៍របស់លោកស្រី ហ្វាម ធិ ថាញ់ត្រា។
យោងតាមស្ថិតិ ទំហំទីផ្សារ MICE នៅក្នុងប្រទេសវៀតណាមបច្ចុប្បន្នឈានដល់ជិត ៦ ពាន់ លានដុល្លារអាមេរិក។ ក្រសួងវប្បធម៌ កីឡា និងទេសចរណ៍បានកំណត់ភារកិច្ចអាទិភាពនៃការធ្វើឱ្យឲ្យសុក្រិតនូវយន្តការ និងគោលនយោបាយ ដើម្បីទាក់ទាញការវិនិយោគ និងនាំយកព្រឹត្តិការណ៍ MICE ទ្រង់ទ្រាយធំមកកាន់វៀតណាម៕
