អនុរដ្ឋមន្ត្រីការបរទេសវៀតណាម លោកស្រី Le Thi Thu Hang បានថតរូបជាមួយឯកអគ្គរដ្ឋទូត និងភារធារីនៃចក្រភពអង់គ្លេស ស្វីស ន័រវេស និងបណ្តាប្រទេសសមាជិកសហភាពអឺរ៉ុបនៅទីក្រុងហាណូយ។ រូបថត៖ VOV

ថ្លែងមតិនៅទីនេះ អនុរដ្ឋមន្ត្រីក្រសួងការបរទេសវៀតណាម លោកស្រី Le Thi Thu Hang បានអះអាងថា វៀតណាមតែងតែផ្តោតការយកចិត្តទុកដាក់ចំពោះទំនាក់ទំនងមិត្តភាពនិងកិច្ចសហប្រតិបត្តិការពហុភាគីជាមួយបណ្តាប្រទេសអឺរ៉ុប។ នៅក្នុងពិធីជប់លៀងទឹកតែ ឯកអគ្គរដ្ឋទូត និងភារធារីបានទទួលទានតែ និងម្ហូបពិសេសរបស់វៀតណាមមួយចំនួន ដូចជា នំសណ្តែកបៃតង នំព្រះខែ ស្ករគ្រាប់សណ្តែកដី។ល។ ហើយបានស្តាប់អំពីវប្បធម៌តែដែលបង្កប់ដោយអត្តសញ្ញាណជាតិវៀតណាម និងបដិសណ្ឋារកិច្ចរបស់ប្រជាជនវៀតណាម។ អនុរដ្ឋមន្ត្រីលោកស្រី Le Thi Thu Hang បានថ្លែងអំណរគុណចំពោះមិត្តភ័ក្តិ និងដៃគូអន្តរជាតិដែលតែងតែរួមដំណើរជាមួយវិស័យការទូតវៀតណាមឱ្យមានទំនាក់ទំនងការទូតសកម្ម មនុស្សធម៌ មេត្តាករុណា និងទំនួលខុសត្រូវ។

ក្នុងឱកាសនេះ មិត្តភក្តិអន្តរជាតិបានផ្ញើសារអបអរសាទរចំពោះប្រជាជនវៀតណាមក្នុងឱកាសរំលឹកខួបអនុស្សាវរីយ៍លើកទី ៨០ នៃទិវាបុណ្យជាតិ ដោយបានកោតសរសើរចំពោះវីរភាពប្រវត្តិសាស្ត្ររបស់ប្រជាជនវៀតណាម៕