ទិដ្ឋភាពនៃកិច្ចប្រជុំ
ចាប់ពីថ្ងៃទី២៣ ដល់ថ្ងៃទី២៤ ខែមេសា ឆ្នាំ២០១៨ នៅទីក្រុងហាណូយ អនុរដ្ឋមន្ត្រីការបរទេសវៀតណាម លោក Vu Hong Nam និងរដ្ឋលេខាធិការ ក្រសួងការបរទេស និងសហប្រតិបត្តិការអន្តរជាតិម៉ារ៉ុក លោកស្រី Mounia Boucetta បានអញ្ជើញជាសហ អធិបតីកិច្ចប្រជុំលើកទី៤ នៃគណៈកម្មការចម្រុះវៀតណាម-ម៉ារ៉ុកនិងពិគ្រោះយោបល់នយោបាយលើកទី៥ រវាងក្រសួងការបរទេសនៃប្រទេសទាំងពីរ។
នៅក្នុងកិច្ចប្រជុំ ភាគីទាំងពីរបានឯកភាព ជម្រុញថែមទៀតការផ្លាស់ប្តូរពាណិជ្ជកម្ម វិនិយោគទ្វេភាគី តាមរយៈការបង្កលក្ខណៈងាយស្រួលសម្រាប់សហគ្រាសនៃប្រទេសទាំងពីរទៅស្វែង រកទីផ្សាររបស់គ្នាទៅវិញទៅមក។
ភាគីទាំងពីរបានពិភាក្សាលើបញ្ហាតំបន់និងពិភពលោកដែលមានការយកចិត្តទុក ដាក់ដូចគ្នា ដូចជាកិច្ចសហប្រតិបត្តិការក្នុងក្របខ័ណ្ឌអង្គការសហប្រជាជាតិ អាស៊ាន និងសហភាពអាហ្វ្រិកជាដើម។ ភាគីទាំងពីរក៏បានសម្តែងនូវការព្រួយបារម្ភចំពោះភាពចលាចល អស្ថិរភាពនៅតំបន់មួយចំនួនលើពិភពលោកព្រមទាំងចាត់ទុកថា ជម្រោះ ទាំងអស់ត្រូវដោះស្រាយដោយសន្តិវិធី ឈរលើច្បាប់អន្តរជាតិនិងធម្មនុញ្ញអង្គការសហ ប្រជាជាតិផងដែរ៕
តាម VOV5 - វិទ្យុសម្លេងវៀតណាម
