វៀតណាម Airlines បើកឲ្យដំណើរការជើងហោះហើរ Da Nang-Bangkok
នាយប់ថ្ងៃទី២៦ ខែមិថុនា ឆ្នាំ២០១៦ នៅទីក្រុង Da Nang ក្រុមហ៊ុនអាកាសចរណ៍វៀតណាម (Vietnam Airlines) បានបើកឲ្យដំណើរការជាផ្លូវការជើងហោះហើរអន្តរជាតិថ្មី Da Nang-Bangkok (ថៃ)។ ជើងហោះហើរថ្មីនេះនឹងដំណើរការ៤លើកក្នុងមួយសប្តាហ៍ពោល គឺថ្ងៃច័ន្ទ ថ្ងៃ ពុធ ថ្ងៃព្រហស្បតិ៍ និងថ្ងៃអាទិត្យ តាមរយៈយន្តហោះ Airbus A321 ជើងហោះហើរនេះ ប្រើអស់រយៈពេល១ម៉ោង និង៣៥នាទី។ លោកTrinh Ngoc Thanh អគ្គនាយកវៀតណាម Airlines បានឲ្យដឹងថា៖
“ការបើកឲ្យដំណើរការជើងហោះហើរថ្មីជាសក្ខីភាព នៃការប្តេជ្ញានិងកិច្ចសហប្រតិបត្តិការរួមដំណើររវាងអគ្គក្រុមហ៊ុនអាកាសចរណ៍វៀតណាម និងគណៈកម្មាធិការប្រជាជនទីក្រុង Da Nang ក្នុងការបង្កើនជើងហោះហើរជាតិ និងអន្តរជាតិ។ ជើង ហោះហើរថ្មីនេះនឹងវបន្តជួយវៀតណាមបង្កើនលទ្ធភាពប្រកួតប្រជែង ក៏ដូចជាអនុវត្ត ជាក់ស្តែងនូវគោលដៅក្លាយទៅ ជាក្រុមហ៊ុនអាកាសចរណ៍ជួរមុខមួយនៅទ្វីបអាស៊ី”៕
តាម VOV5 -វិទ្យុសម្លេងវៀតណាម
