លោកប្រធានរដ្ឋ Vo Van Thuong អញ្ជើញជាអធិបតីក្នុងពិធីទទួលបដិសណ្ឋារកិច្ចជាផ្លូវការចំពោះប្រធានាធិបតីនៃសាធារណរដ្ឋកាហ្សាក់ស្ថាន

នាព្រឹកថ្ងៃទី២១ ខែសីហា ឆ្នាំ២០២៣ ពិធីទទួលបដិសណ្ឋារកិច្ចជាផ្លូវការជូនប្រធានាធិបតីកាហ្សាក់ស្ថាន លោក Kassym-Jomart Tokayev បានប្រព្រឹត្តទៅនៅទីក្រុងហាណូយ។ ប្រធានរដ្ឋវៀតណាមលោក Vo Van Thuong បានអញ្ជើញជាអធិបតីក្នុងពិធីទទួលបដិសណ្ឋារកិច្ច។ បន្ទាប់ពីពិធីទទួលបដិសណ្ឋារកិច្ចជាផ្លូវការនៅវិមានប្រធានរដ្ឋ លោកប្រធានរដ្ឋ Vo Van Thuong និងលោកប្រធានាធិបតី Kassym-Jomart Tokaev Tokaev បានជួបពិភាក្សាការងារ។

មុននោះ ប្រធានាធិបតីនៃសាធារណរដ្ឋកាហ្សាក់ស្ថានលោក Kassym - Jomart Tokayev និងគណៈប្រតិភូជាន់ខ្ពស់នៃសាធារណរដ្ឋកាហ្សាក់ស្ថានបានអញ្ជើញដាក់កម្រងផ្កានៅវិមានរំលឹកវិញ្ញាណក្ខន្ធវីរៈយុទ្ធជនពលី និងចូលប្រាង្គតម្កល់សពគោរពវិញ្ញាណក្ខន្ធលោកប្រធានហូជីមិញ។

នេះគឺជាលើកទីមួយហើយដែលលោកប្រធានាធិបតី Kassym - Jomart Tokaev អញ្ជើញមកប្រទេសវៀតណាមក្នុងតួនាទីថ្មី ហើយក៏ជាដំណើរទស្សនកិច្ចលើកដំបូងរបស់ប្រធានាធិបតីកាហ្សាក់ស្ថានមួយរូប ក្នុងរយៈពេល ១២ ឆ្នាំកន្លងទៅ ដែលមានអត្ថន័យដ៏សំខាន់ក្នុងការជំរុញទំនាក់ទំនងសហប្រតិបត្តិការមិត្តភាពវៀតណាម- កាហ្សាក់ស្ថាន ជាពិសេសគឺលើវិស័យសេដ្ឋកិច្ច និងពាណិជ្ជកម្ម។ដំណើរទស្សនកិច្ចជាផ្លូវការនៅវៀតណាមចាប់ពីថ្ងៃទី ២០ ដល់ថ្ងៃទី ២២ ខែសីហា របស់ប្រធានាធិបតីលោក Kassym-Jomart Tokaev នឹងគូសសញ្ញាជំពូកថ្មីនៃកិច្ចសហប្រតិបត្តិការវៀតណាម-កាហ្សាក់ស្ថានលើវិស័យសេដ្ឋកិច្ច ពាណិជ្ជកម្ម និងទេសចរណ៍៕