នេះត្រូវបានសង្កត់ធ្ងន់ដោយនាយករដ្ឋមន្ត្រីវៀតណាមលោក ហ្វាម មិញជីញ ក្នុង សន្និសីទអនឡាញបូកសរុបការងារ ៦ ខែដើមឆ្នាំនៃគណៈកម្មាធិការរដ្ឋដឹកនាំ សំណង់និងគម្រោងជាតិសំខាន់ៗ ក្នុងវិស័យគមនាគមន៍ដឹកជញ្ជូន និងបូកសរុប ការប្រឡងប្រណាំង “៥០០ថ្ងៃទាំងយប់ ប្រឡងប្រណាំងសម្រេចផ្លូវហាយវេ ៣០០០ គីឡូម៉ែត្រ” ដែលប្រព្រឹត្តទៅនៅព្រឹកថ្ងៃទី ៣១ កក្កដា នៅទីក្រុងហាណូយ។

ថ្លែងក្នុងសន្និសីទ លោកនាយករដ្ឋមន្ត្រី ហ្វាម មិញជីញ បានបញ្ជាក់ថា ចាប់ពី ពេលនេះរហូតដល់ដំណាច់ឆ្នាំនៅសល់តែ ៥ ខែទៀតប៉ុណ្ណោះ បន្ទុកការងារនៅតែមាន ច្រើន ខណៈដែលតម្រូវការគឺថា ហេដ្ឋារចនាសម្ព័ន្ធត្រូវដើរមុន ត្រួសត្រាយផ្លូវ ធ្វើជា មូលដ្ឋានគ្រឹះ បង្កើតបុព្វបទសម្រាប់ផ្នែកនិងមូលដ្ឋាននានា បង្កើតសន្ទុះថ្មីសម្រាប់ ប្រទេសជាតិ បើកលំហអភិវឌ្ឍន៍ថ្មី បង្កើនកម្លាំងប្រកួតប្រជែងនៃផលិតផលនៅក្នុង ស្រុក និងអន្តរជាតិ ជាពិសេសក្នុងបរិបទដែលប្រទេសទាំងមូលទើបតែបានបញ្ចប់រយៈ ពេល ១ ខែនៃការរៀបចំប្រតិបត្តិការគំរូរអាជ្ញាធរមូលដ្ឋាន ២ កម្រិត។ ដោយហេតុនេះ លោកនាយករដ្ឋមន្រ្ដី បានស្នើថា៖

"ប្រាកដជាត្រូវសម្រេចផ្លូវហាយវេយ៉ាងហោចណាស់ ៣០០០ គីឡូម៉ែត្រចាប់ពី ពេលនេះរហូតដល់ចុងឆ្នាំ ២០២៥ នេះគឺជាគោលដៅដែលមហាសន្និបាតបក្សបាន ដាក់ចេញ។ ដោយសារតែលក្ខណៈ និងអត្ថន័យនៃភារកិច្ច យើងចាត់ទុកនេះជាបទ បញ្ជានៃបេះដូង ស្មារតីទទួលខុសត្រូវខ្ពស់បំផុតជាមួយនឹងស្មារតីនៃបដិវត្តខែសីហា"៕